تورک – امریکا مصلحت کمیته سی امریکاده بیر قطار یاردملر عملگه آشیردی

امریکا قوشمه ایالتلریده گی تورک همجمعیتی گه باغلیق موسسه لریدن بولمیش تورک – امریکا مصلحت کمیته سی ینگی تور کروناویروس (کوید-19) کسل لیگی گه قرشی کوره ش دایره سیده نیویورک و نیوجرسی ده گی ساغلیقنی سقلش پرسونللریگه طبی اسباب یاردم ایتیب بیردی.

تورک – امریکا مصلحت کمیته سی نیوجرسی نینگ پایتختی ترنتونده جایلشگن کپیتال هیلت کسلخانه سیگه 500 ته قوریقلاوچی ساغلیک کییمی و 4 مینگ 500 ته ماسک یاردم ایتیب بیردی.

تورک – امریکا مصلحت کمیته سی باشلیغی اورینباسری اسرافیل دیمیر؛

"بو اولکه ده حیات کیچیرووچی امریکالیک تورکلر اوله راق ویروس گه قرشی قیینچپیلیک بیلن کوره شیب تورگن ساغلیقنی سقلش پرسونللرینی یالغیز قویمه دیک" دیب گپیردی.

کوید-19 کسل لیگی باعث حلی گچه 3 مینگ پاکت غذائی مواد یاردم ایتیب بیرگن لیکلرینی تیلگه آلگن دیمیر، جاری هفته ده نیوجرسی پترسونده جایلشگن سنت جوزیف کسلخانه سیگه 1 مینگ 500 قوریقلش ساغلیک کییمی و 5 مینگ ماسک، 25 می ده بروکلین ده جایلشگن کینگ کونتی کسلخانه سیگه 1 مینگ قوریقلش کییم و 5 مینگ ماسک یاردم ایتیب بیرگن لیکلرینی ایتدی.

تورک – امریکا مصلحت کمیته سی اداره چیلری، 12 می ده ینه ساغلیقنی سقلش پرسونللری و عاجل ساغلیقنی سقلش گروهی، اطفائیه و پولیسلر اوچون بروکلین بلدیه باشلیغی ایریک آدمس گه 500 ته جراحی قوریقلش کییم و 2 مینگ 500 ماسک تسلیم ایتگندی.