تورکیه اسپانیا مسلمان لری گه یاردم ترقتماقده

تورکیه نینگ تورک همکارلیک و کوردیناسیون آژانسی (تیکا), اسپانیا نینگ جنوبی ده جایلشگن اندلس منطقه سیده گی گرانادا شهری ده مسلمان عایله لر گه رمضان یاردم لری دایره سیده غذایی مواد ترقتماقده. 

جهان بویلب ینگی تور کرونا ویروس (کووید 19) دن اینگ کوپ تاثیرلنگن اولکه لردن بیری بولگن اسپانیا ده, اوشبو یوقیملی کسللیک سببلی باشله گن اقتصادی بحران باعث کوپلب عایله لر قیین چیلیککه دوچ کیلیب قالگن وضعیتده. 

تیکا و گرانادا جامع مسجدی جمغرمه سی نینگ همکارلیگی بیلن رمضان آیی ده هر جمعه کونی 100 عایله گه غذایی مواد ترقه تیلماقده. 

اسپانیا ده 2 میلیون گه یقین مسلمان موجود.  اوشبو مسلمان لرنینگ 36 مینگ دن آرتیق قسمی گرانادا ده یشه ماقده.