تورکیه کابل ده اویوشتیریلگن ترورچیلیک هجومی نی قاره لب چیقدی
اوشبو خصوصده تورکیه جمهوریتی تشقی ایش لر وزیرلیگی تامانیدن بیانات بیریلدی
تورکیه جمهوریتی تشقی ایش لر وزیرلیگی کابل ده بیر کسلخانه گه قره ته اویوشتیریلگن ترورچیلیک هجومی نی قاره لب چیقدی.
ننگرهار ولایتیده بیر جنازه مراسمی جریانیده اویوشتیریلگن ترورچیلیک هجومی هم تورکیه جمهوریتی تشقی ایش لر وزیرلیگی تامانیدن قاره لندی.
وزیرلیک تامانیدن بیریلگن بیاناتده, کابل و ننگرهار ده اویوشتیریلگن اوشبو هجوم لر سببلی تورکیه نینگ جوده خفه بولگن لیگی بیلدیریلدی.
بیاناتده, تورکیه نینگ, مبارک رمضان آیی و کرونا ویروس پاندمی سی دوریده اویوشتیریلگن اوشبو خائنانه هجوم لر نی قاره لب چیققن لیگی معلوم قیلیندی.
عینی دمده بیاناتده, حیاتی نی یوقاتگن کیشی لر گه الله دن رحمت و یره لنگن لر گه ایسه عاجل شفا لر طلب قیلیندی.
قوراللی کیشی لرنینگ توناوون ایرته لب دشت برچی ده بیر کسلخانه گه هجوم اویوشتیریشی عاقبتیده کوپلب عادی اهالی جان بیرگن ایدی.
عینی دمده توناوون ننگرهار ولایتی نینگ خیوه منطقه سیده جنازه مراسمی جریانیده یوز بیرگن پارتلش عاقبتیده اونلب کیشی حیاتی نی یوقاتگن ایدی.
علاقه لی ینگی لیکلر
استانبول هوا قونلغه سی اروپاده بیرینچی بولدی
استانبول هوا قونلغه سی کونده لیک مینگلب اوچیش بیلن اروپاده بیرینچی بولدی
ایردوغان بیلن مخبر اوزارا سوزلشوو اوتکزدی
تورکیه جمهور باشلیغی ایردوغان بیلن ایران جمهور باشلیغی اورینباسری مخبر اوزارا سوزلشوو اوتکزدی