تورک قیزیل یریم آی تامانیدن یمنده یوزلب عایله گه یاردم ییتکیزیب بیریلدی

تورک قیزیل یریم آی موسسه سی یمن نینگ 4 ولایتیده اوروش باعث معیوب بولیب قالگن 500 نفر اوچون غذائی مواد کمپاینی باشله تدی.

یمن استیجاب یاردم موسسه سی بیلن بیرگه لیکده آلیب باریلگن بو یاردم کمپاینی دایره سیده اولاً پایتخت عدن ده جایلشگن المعلا تومنیده غذائی مواد پاکتلری بیریلدی.

تورک قیزیل یریم آی یمن باشقرمه لیگی باشلیغی مصطفی آیدین، بو کمپاین نینگ عدن، خدراموت، ماریب و تعز ولایتلریده اوروش باعث معیوب بولیب قالگن کیشی لرگه بیریلگن لیگینی ایتدی.

آیدین بو یاردملرنینگ تورکیه تامانیدن اینیقسه رمضان آیی مناسبتی بیلن اوروشدن تاثیرلنگن یمنلیکلرنینگ دردلرینی کمه یتیریش آرزوسی بیلن عملی قیلینگن لیگینی افاده ایتدی.

تورک قیزیل یریم آی باشقرمه سی یمنده 14 مینگ عذائی مواد پاکتی یاردم ایتیب بیریشنی مقصد قیلیب آلرکن بولردن 5 می تاریخیده 500 و 6 می تاریخیده ایسه 3 مینگ 400 کارتن غذائی مواد یاردم ایتیب بیرگندی.

بیرلشگن ملتلر تشکیلاتی نینگ راپوریگه کوره، دنیانینگ اینگ بویوک بشری بحرانلریدن بیرته سی یوز بیرگن یمنده 22 میلیوندن ارتیق انسان یاردم گه محتاج بولیب قالگن.