آلتمیش مینگ دن آرتیق تورک وطنداشی خارج دن تورکیه گه کیلتیریلدی

تورکیه جمهوریتی تشقی ایش لر وزیری مولود چاووش اوغلی, ینگی تور کرونا ویروس (کووید 19) گه قرشی کوره ش دایره سیده 103 اولکه دن 65 مینگ دن آرتیق تورک وطنداشی نی تورکیه گه کیلتیرگن لیک لری نی معلوم قیلدی. 

تورکیه نینگ کووید 19 گه قرشی کوره ش بوییچه آلگن تدبیر لری و موفقیتلی فعالیت لری بیلن جهان بویلب اورنک بولگن لیگی نی بیلدیرگن چاووش اوغلی, اوشبو پروسه نینگ تورکیه ده ساغلیق تیزیمی نینگ قنچه لیک کوچلی ایکن لیگی نی کورسه تیب بیرگن لیگی نی بیلدیردی. 

چاووش اوغلی, اوشبو دایره ده تورکیه نینگ باشقه اولکه لر گه هم یاردم بیرگن لیگی نی معلوم قیلدی. 

تشقی ایش لر وزیری خارج ده گی تورک وطنداش لری نینگ تورکیه گه کیلیتیریلیشی بیلن علاقه لی ایسه, "کسللیک نینگ کینگ ترقه لیب کیتیشی آرتیدن تورکیه گه کیلماقچی بولگن کیشی لر بولدی.  حاضرگی کون گه قدر 103 اولکه دن 65 مینگ دن آرتیق تورک وطنداشی نی تورکیه گه کیلتیردیک.  کیلگوسی کون لر ده هم اوشبو تورک وطنداش لری نینگ تورکیه گه کیلتیریلیشی بوییچه پروسه دوام ایته دی" دییه قید ایتدی. 

چاووش اوغلی, حاضرگی کون گه قدر خارج ده یشیاتگن 473 تورک وطنداشی نینگ کرونا ویروس سببلی حیاتی نی یوقاتگن لیگی نی بیلدیررایکن, 350 دن آرتیق جنازه نی تورکیه گه کیلتیرگن لیک لری نی معلوم قیلدی.