تورکیه ینه امریکا قوشمه ایالتلری گه طبی یاردم جونَتدی

تورکیه ایککینچی مرته امریکا قوشمه ایالتلری گه طبی یاردم جونَتدی.  کووید 19 گه قرشی کوره ش دایره سیده اوشبو کسللیک دن اینگ کوپ تاثیرلنگن اولکه لر دن بیری بولگن امریکا گه تورکیه دن طبی یاردم آلیب باره دیگن عسکری کارگو اوچاغی انقره دن اوچدی. 

اوچاق نینگ اوچیشی آرتیدن امریکا قوشمه ایالتلری نینگ اوروپا قوماندان لیگی تویتر آرقه لی منتدارچیلیک پیامی ترقتدی. 

پیام ده, "ناتو متفقی میز گه منتدارچیلیک بیلدیره میز.  بیرلیکده کوچلی میز" دییه قید ایتیلدی. 

پیام ده, تورکیه جمهوریتی ملی مدافعه وزیرلیگی نینگ, "جمهوررئیسی میز حرمتلی اردوغان نینگ بویروغی گه بناً جونه تیلگن کووید 19 گه قرشی کوره ش جریانیده فایده له نیله دیگن ایککینچی طبی یاردم لر نینگ یوکلنگن تورکیه قوراللی کوچ لری طیاره سی امریکا قوشمه ایالتلری گه کیتیش اوچون انقره دن اوچدی" شکلیده گی انگلیس تیلیده یازیلگن پیامی گه هم اورین اجره تیلدی. 

بروکسل ده گی ناتو قرارگاهی تامانیدن بیریلگن یازمه بیاناتده هم, تورکیه نینگ کرونا ویروس یوقیملی کسللیگی نینگ باشله گن کوندن بیری متفق لر نی قوللب- قُوَتلب کیلیاتگن لیگی بیلدیریلدی. 

پیام ده, "تورکیه, آره لری ده 15 ناتو متفقی بیلن 21 ناتو اورتاغی نینگ موجود بولگن 55 اولکه گه یاردم بیردی" دییه قید ایتیلدی.

توناون هم تورکیه جمهوریتی جمهوررئیسی رجب طیب اردوغان نینگ بویروغی گه بناً امریکا قوشمه ایالت لری گه طبی یاردم آلیب بارگن تورکیه قوراللی کوچ لری نینگ عسکری کارگو اوچاغی پایتخت واشنگتن گه باریب قونگن ایدی.