امریکا قوشمه ایالتلری تورکیه گه منتدارچیلیک بیلدیردی

امریکا قوشمه ایالتلری مدافعه وزیرلیگی اروپا و ناتو سیاستلری بوییچه مسؤل مستشار اورینباسری مایکل ریان؛

تورکیه گه امریکا قوشمه ایالتلریگه ییتکیزیب بیرگن کمک و کوید-19 گه قرشی کوره ش بوییچه ناتو چوکاتیده کورستگن اورنیک رهبریتی باعث منتدارمیز" دیب بیان ایتدی.

تورک و امریکالیک مقاملرنینگ بیر هفته دن بیری بو یاردم نی باشقرگن لیکلرینی معلوم قیلگن ریان،

"تورکیه تامانیدن ایتالیا، اسپانیا، انگلستان و بالقانلرگه قیلگن یاردملری کبی امریکا قوشمه ایالتلریگه قیلگن یاردمی هم ناتو باشقروویده بولیب اوتدی" دیب افاده ایتدی.

جمهور باشلیغی رجب طیب ایردوغان نینگ بویروغی بیلن امریکا قوشمه ایالتلریگه ییتکیزیب بیریلگن طبی یاردم موادلرنی آلیب بارووچی تورکیه قورللی کوچلری نینگ A-400M مودل اوچاغی توناون کیچه تورکیه وقتی بیلن ساعت 00:30 ده پایتخت واشنگتن نینگ یقینیده جایلشگن اندرویس حربی قونلغه گه باریب قونگن ایدی.  

بو موادلر 500 مینگ ته ماسک، 400 مینگ طبی کییم، 2 مینگ لیتر دیزنفیکت، 500 قوریقلاوچی و 400 ته N95 ماسک بیلن 1500 قوریقلاوچی عینکدن عبارت دیر.