امریکا نینگ ناتو دایمی نماینده سی: تورکیه گه منتدارچیلیک بیلدیره میز

امریکا قوشمه ایالتلری نینگ ناتو دایمی نماینده سی کی بیلی هاچیسون, ینگی تور کرونا ویروس (کووید 19) گه قرشی کوره ش دایره سیده امریکا گه طبی یاردم یوبارگن لیگی اوچون تورکیه گه منتدارچیلیک بیلدیردی. 

هاچیسون تویتر آرقه لی بیرگن بیاناتیده, یوقیملی کسللیک نینگ دوام ایتیاتگن خوددی شوو دور ده گی اوشبو ناتو بیردملیگی نینگ ترانس اتلانتیک مناسبت لرنینگ کوچی نی کورسه تیب بیرگن لیگی نی معلوم قیلدی.

تورکیه نینگ ناتو دایمی نماینده سی بساط اوزتورک بیلن بیرگه آلگن بیر عکسی نی هم ترقتگن هاچیسون, "کووید 19 گه قرشی کوره ش دایره سیده گی همکارلیک لری اوچون تورک خلقی گه منتدارچیلیک بیلدیره میز" دییه قید ایتدی. 

تورکیه ینگی تور کرونا ویروس (کووید 19) گه قرشی کوره ش دایره سیده امریکا قوشمه ایالتلری گه ماسک, یوز قووروچی, N95 ماسک و بیر مرته استفاده ایتیله دیگن طبی لباس دن تشکیل تاپگن یاردم یوباردی.