سویدن ده کووید 19 کسلی بولگن تورک وطنداشی اوچاق امبولانس بیلن تورکیه گه کیتیریلدی

سویدن نینگ مالمو شهری ده ینگی تور کرونا ویروس (کووید 19) تستی نینگ مثبت چیققن لیگی گه قره مسدن تداوی ایتیلمی اویی گه یوباریلگن 47 یاشلی تورک وطنداشی امرالله گولوشکن تورکیه گه کیتیریلدی. 

اوشبو تورک وطنداشی اوچ باله سی بیلن بیرگه تورکیه جمهوریتی ساغلیق نی سقلش وزیرلیگی نینگ اوچاق امبولانسی بیلن تورکیه گه کیتیریلگن.

امرالله گولوشکن نینگ سویدن ده قالگن قیزی لیلا گولوشکن, تورک مسئول لرنینگ اوشبو خبر نی ایشیتگچ اولر گه قونغیراق قیلگن لیگی نی بیلدیردی. 

لیلا, "اونلب مسئول کیشی بیزگه قونغیراق قیلدی.  ساغلیق نی سقلش وزیری فخرالدین کوجه قیسقه بیر مدت مابینیده بیز گه طیاره یوباردی.  اولکه میز بیلن فخرله نه میز" دییه قید ایتدی. 

تورکیه نینگ باتمان ولایتی نینگ گرجوش تومنی دن سویدن گه بارگن لیک لری نی بیلدیرگن گولوشکن, تورک دولتی نینگ اولر گه ایگه چیققن لیگی نی معلوم قیلدی.

گولوشکن, "تورکیه جمهوریتی جمهوررئیسی رجب طیب اردوغان, ساغلیق نی سقلش وزیری فخرالدین کوجه, تورکیه نینگ سویدن ایلچیسی حقی ایمره یونت, عدالت و توسعه حزبی نینگ وکیلی ظفر ساری قایا, چیت ایللر ده گی تورک لر و قرینداش جمعیت لر ریاستی نینگ باشلیغی عبدالله اره ن و خلق ارا دموکرات لر بیرلیگی نینگ سویدن باشلیغی اوزَر ایکن گه منتدارچیلیک بیلدیره من" دییه قید ایتدی. 

امرالله گولوشکن نینگ باشقه بیر قیزی سمیرا گولوشکن, اجتماعی ترماق آرقه لی ترقتگن پیامیده, "عایله م بیلن بیرگه سویدن ده یشه ماقده میز. 11 کون آلدین آتم ایسیتیب نفس آلیش بوییچه قیین چیلیککه دوچ کیلیب قالدی.  کسلخانه گه قونغیراق قیلدیک, لیکن افسوس که کیلیب آلمه دی لر.  هر کون بیر نیچه مرته قونغیراق قیلدیک.  شونگه قره می بیز دن خبر آلمه دی لر" دییه قید ایتگن ایدی. 

تورکیه جمهوریتی ساغلیق نی سقلش وزیری فخرالدین کوجه هم سمیرا گولوشکن گه قونغیراق قیلیب امرالله گولوشکن نینگ تورت باله سی بیلن بیرگه تورکیه گه کیتیریلیشی اوچون اوچاق امبولانس یوباریلیشی بوییچه بویروق بیرگن ایدی.