تورک پروفیسر کرونا ویروس گه قرشی واکسین تولید ایتیلیشی بوییچه کتته موفقیت قولگه کیریتدی

انقره عالی بیلیم یورتی بیوتکنالوژی انستیتوتی نینگ باشلیغی پروفیسر داکتر آیقوت اوزقول SARS-COV-2 ویروسی نی لابراتور شرایطی ده  اجره تیب آلیش گه موفق بولگن لیگی نی بیلدیردی.   

اوزقول, اوشبو ویروس نینگ اجره تیب آلینیشی نینگ ینگی تور کرونا ویروس (کووید 19) گه قرشی سروم, واکسین و ادویه ایشلب چیقاریلیشی نینگ بیرینچی باسقیچی دن عبارت ایکن لیگی نی معلوم قیلدی. 

انقره عالی بیلیم یورتی رسمی تویتر حسابی آرقه لی هم بیریلگن بیاناتده پروفیسر آیقوت اوزقول نینگ بونده ی بیر موفقیت قولگه کیریتگن لیگی بیلدیریلدی. 

عالی بیلیم یورتی نینگ باشلیغی پروفیسر داکتر ارکان ایبیش تویتر آرقه لی بیرگن بیاناتیده, "اوشبو موفقیت لری سببلی همکار لری میز نی تبریکلیمن.  ینه ده کتته راق موفقیت قولگه کیریته دیگن لیک لری گه ایشانچیم کامل" دییه قید ایتدی. 

خوددی شوو عالی بیلیم یورتی ده گی اوشبو علمی تحقیقات لرنینگ بیوتکنالوژی انستیتوتی بیلن وترنرلیک فاکولته سی ویرولوژی لابراتوار لریده آلیب باریلیاتگن لیگی بیلدیریلدی.