جمهوررئیس اردوغان مهاجر لر مسئله سی اوچون بروکسل گه جونب کیتدی

تورکیه جمهوریتی جمهوررئیسی رجب طیب اردوغان, ایریم اوچره شوو لر اوتکزیش اوچون بوگون بلجیم پایتختی بروکسل گه جونب کیتدی. 

جمهوررئیس اردوغان نینگ اوشبو سفری بیلن علاقه لی اوروپا بیرلیگی تامانیدن بیانات بیریلدی. 

اوروپا بیرلیگی کینگشی باشلیغی نینگ سوزچیسی باریند لیتس, تویتر آرقه لی بیرگن بیاناتیده, کینگش باشلیغی چارلیس میشل و کمیسیون باشلیغی اورسوله وون در لیان نینگ, کیچکی پیتده جمهوررئیس اردوغان بیلن اوچره شه دیگن لیگی نی بیلدیردی. 

اوچره شوو ده, تورکیه بیلن اوروپا بیرلیگی اورته سیده گی مناسبت لر, مهاجر لر, خوفسیزلیک و سوریه ده گی بحران بیلن منطقه ده گی برقرارسیزلیک لر باره سیده بحث ایتیله دیگن لیگی نی بیلدیرگن لیتس, اوچره شوو نینگ محللی وقت بیلن کیچقرون ساعت 6 ده بولیب اوته دیگن لیگی نی معلوم قیلدی.