تورکیه: اوروپا نینگ قاچاق مهاجر لر توغریسیده مسئولیت آلیشی کیره ک

تورکیه جمهوریتی تشقی ایش لر وزیری مولود چاووش اوغلی, تورکیه پایتختی انقره ده اوروپا بیرلیگی تشقی علاقه لر و خوفسیزلیک سیاست لری بوییچه عالی نماینده سی و اوروپا بیرلیگی کمیسیونی باشلیغی نینگ اورینباسری جوزیف بوریل بیلن اوچره شدی.

چاووش اوغلی, بوریل دن, اوروپا بیرلیگی نینگ قاچاق مهاجر لر بوییچه مسئولیت آلیشی نی طلب ایتدی. 

چاووش اوغلی اوشبو اوچره شوو آرتیدن تویتر آرقه لی بیانات بیردی. 

مولود چاووش اوغلی, بیرگن بیاناتیده, "اوروپا بیرلیگی عالی نماینده سی جوزیف بوریل گه اوروپا بیرلیگی نینگ اولکه میز گه بیرگن وعده لری گه وفا قیلمه گن لیگی, ایندی بیرته گینه اوزی میز نینگ مسئولیت آلیشی میز نینگ ممکن ایمس لیگی و اوروپا بیرلیگی نینگ مسئولیت آلیش وقتی نینگ کیلگن لیگی نی بیلدیردیم" دییه قید ایتدی. 

بوریل, توناون تورکیه گه تشریف بویوریب تورکیه بیلن اوروپا بیرلیگی اورته سیده گی مناسبت لر, مهاجرت بحرانی و سوریه نینگ ادلب منطقه سیده گی ینگی لیک لر باره سیده ایریم اوچره شوو لر اوتکزدی.