اردوغان: تورکیه لیبیاده مشروع حکومت نی قوللب- قُوَتله ماقده

تورکیه جمهوریتی جمهوررئیسی و عدالت و توسعه حزبی نینگ رهبری رجب طیب اردوغان, تورکیه نینگ, لیبیا ده, اوشبو اولکه نینگ مشروع حکومتی دن عبارت طرابلس رهبریتی نی قوللب- قوتلیاتگن لیگی نی بیلدیردی. 

اردوغان, حزبی نینگ تورکیه پارلمانی ده گی ییغیلیشیده قیلگن معروضه سیده, "اولکه میز نینگ لیبیا گه باریشی بیلن بیرگه کودتاچی حفتر نینگ آلغه کیتیشی توخته دی.  خلق ارا جامعه نینگ هم داخل بولگن مذاکره لرنینگ نتیجه بیرمس لیگی تقدیرده, اولکه نینگ همه جایی گه حاکم قیلیش اوچون مشروع طرابس رهبریتی نی قوللب- قوتلیمیز. طرابس رهبریتی نینگ قراری حقلی قرار دن عبارت" دییه قید ایتدی. 

معروضه سیده, تورکیه نینگ آقدینگیز ده گی قرارلی سیاستی نینگ قبول ایتیله باشلنگن لیگی نی بیلدیرگن جمهوررئیس اردوغان اوز سوز لری نی, "آقدینگیز ده, لیبیا بیلن بولگن کیلیشووی میز آرتیدن موازنه لر اولکه میز نینگ منفعتی گه اویغون اوله راق اوزگریب بارماقده.  اوروپا بیرلیگی نینگ لیبیا بیلن علاقه لی قرار بیریش صلاحیتی موجود ایمس. اوشبو خصوصده گی قرارلی سیاستی میز نتیجه سیده, آقدینگیز ده طرفی میز دن اعلان ایتیلگن وضعیت, یونان داخل, موضوع بیلن علاقه لی بولگن اولکه لر تامانیدن سیکین- سیکین قبول ایتیله باشلندی" شکلیده دوام ایتتیردی.