روسیه بیلن تورکیه هیاتلری نینگ اوچره شووی بولیب اوتدی

تشقی ایشلر وزیری اورینباسری بویوک ایلچی سادات اونال باشچیلیگیده گی تورکیه هیاتی روسیه هیاتی بیلن ادلب موضوعی بوییچه اوچره شدی.

دیپلوماتیک منبعلردن آلینگن معلوماتگه کوره، اونال باشچیلیگیده گی هیات توناون کونی روسیه نینگ پایتختی مسکوده روس کسبداشلری بیلن اوچره شگن.

بو اوچره شوولرده سوریه نینگ ادلب منطقه سیده گی مسئله لر قولگه آلینگن.

تورک هیئاتی منطقه ده بحراننی کمه یتیریش و انسانی وضعیت نینگ یمانراق بولیشی نینگ آلدینی آلیش کیره کی لیگی اورغولندی.

اوچره شووده، ادلبده (2018) سوچی کیلیشووی محتواسی نینگ انیق عملی قیلینیشی و مداخله لرنینگ آلدی نینگ آلینیشی بوییچه چاره تدبیرلر توغریسیده فکر المه شووی عملگه آشیریلدی.