استولتنبرگ: تورکیه ناتو ده اینگ مهم رول گه ایگه

ناتو عمومی سکرتری ینس استولتنبرگ, تورکیه نینگ ناتو نینگ جنوبی قنادی و اوروپا نینگ خوفسیزلیگی جهتی دن کلیدی رول گه ایگه ایکن لیگی نی معلوم قیلدی. 

اوروپا پارلمانی تشقی علاقه لر کمیته سیده معروضه قیلگن و وکیل لرنینگ سئوال لری گه جواب قیترگن استولتنبرگ, اوروپا نینگ امنیتی اوچون ناتو دایره سیده امریکا قوشمه ایالتلری و تورکیه دن وازکیچیشی نینگ ممکن ایمس لیگی نی بیلدیردی.

استولتنبرگ, تورکیه نینگ تروریزم گه قرشی کوره ش بوییچه مهم بیر متفق ایکن لیگی نی معلوم قیلدی.   

ترور تشکیلاتی داعش گه قرشی کوره ش بوییچه تورکیه نینگ مهم رول گه ایگه بولگن لیگی نی بیلدیرگن استولتنبرگ, "تورکیه مهم بیر متفق.  عینی دمده تورکیه اینگ کوپ تروریستیک هجوم گه دوچ کیلیب قالگن بیر متفق.  داعش گه قرشی کوره ش بوییچه مهم رول اوینه ماقده.  عراق و سوریه بیلن چیگره داش بولگن تورکیه نینگ حصه قوشمس لیگی تقدیرده, داعش گه قرشی کوره ش بوییچه موفق بوله آلمس ایدیک" دییه قید ایتدی. 

عینی دمده استولتنیرگ, اوروپا ده گی نظامی همکارلیک و اورتاق اردو قوریش توغریسیده هم سوز یوریتدی. 

اوروپا نینگ مدافعه بوییچه بودیجه اجره تگن لیگی اوچون خرسند بولگن لیک لری نی بیلدیرگن استولتنبرگ, اوشبو وضعیت نینگ ناتو گه الترناتیف تشکیل ایتیش معنی سی گه کیلمیدیگن لیگی نی معلوم قیلدی. 

ینس استولتنبرگ, اوروپا بیرلیگی اعضاسی بولمه گن ناتو متفق لری بیلن بولگن مناسبت لرنینگ جوده یخشی بولیشی کیره ک ایکن لیگی نی بیلدیردی.