تورکیه نینگ ساغلیققه فایده لی اوسیملیگی

تورکیه ده طبیعی اوله راق ییتیشه دیگن لاتینچه آتی Salvia بولگن و تورک تیلیده "اده چایی" دیب ناملنگن اوسیملیک نینگ کوپلب کسل لیک لر گه قرشی فایده لی بولگن لیگی نی بیلر می ایدینگیز؟

اوتیش...

اده چایی, اصل دیاری آقدینگیز اولکه لری بولگن Salvia جنسی نینگ عمومی آتی دن عبارت.  اوشبو جنس نینگ جهان بویلب 900 توری موجود.  تورکیه فلوراسیده ییتیشه دیگن 97 توردن 51 توری نینگ تورکیه گه خاص تور لر آره سیده اورین آلگن لیگی بیلینماقده. 

اده چایی نینگ ساغلیق جهتی دن جوده هم کوپ فایده لری نینگ بولگن لیگی بیلدیریلماقده.  خلق ساغلیغیده اوزاق ییل لردن بیری توماو و هضمی معما لرنینگ ییچیلیشی اوچون استفاده ایتیلیاتگن لیگی بیلینماقده.  ایچیده گی انتی اوکسیدانت لر ایمنی سیستم نینگ کوچی نی آرتیریب کرونیک کسل لیک لر گه قرشی وجود نینگ مقاومتی نی آرتیره دی.  قیلینگن تحقیقات لر اده چایی نینگ یمان کولسترول نینگ میزانی نی توشیریب, یخشی کولسترول نی ایسه آرتیرگن لیگی نی کورسه تیب بیرگن.  مییه ساغلیغی و حافظه جهتی دن هم فایده لی ایکن لیگی بیلدیریلماقده. 

ساغلیققه فایده لی بولگن اده چایی دن اوزاق بیر مدت بیلن جوده کوپ مقدار ده استفاده ایتیش نینگ بعضی ریسک لری نینگ هم موجود بولیشی نینگ ممکن ایکن لیگی معلوم قیلینماقده.  حامله و چقه لاغی گه سوت بیریاتگن آنه لر نینگ اده چایی ایچمس لیک لری کیره ک.  دیابت یاکه کلسترول دواسی دن فایده له نیاتگن کیشی لرنینگ هم اده چایی ایچرایکن, احتیاط بولیش لری ضروری. 

اده چایی, تورکیه ده اینگ کوپ استفاده ایتیلیاتگن چای لردن بیری.  تازه اده چایی نینگ یپراق لری خوش مزه قیلیش اوچون بعضی گوشت و بلیق طعام لری ده هم استفاده ایتیلماقده. اده چایی دن قولگه کیریتیلگن یاغ دن دوا و آرایش سکتوریده هم فایده له نیلماقده.