آذربایجان جمهوررئیسی تورکیه گه قرشی عدالتسیزلیک بولگن لیگی نی معلوم قیلدی

آذربایجان جمهوررئیسی الهام علی اف, بعضی سابق سویت اتفاقی اولکه لری نینگ اوروپا بیرلیگی اعضاسی ایتیب قبول قیلینگن لیگی گه قره مسدن, تورکیه نینگ اوزاق ییل لردن بیری کوتتریلیب قویلگن لیگی نینگ "کتته عدالتسیزلیک" دن عبارت ایکن لیگی نی معلوم قیلدی. 

علی اف, دولت تلویزیونی آرقه لی قیلگن صحبتی ده, آذربایجان نینگ تشقی سیاستی, قوشنی اولکه لر بیلن بیرگه عملگه آشیرگن پروژه لری و ایچکی موضوع لری توغریسیده بحث ایترایکن, 2019- ییلی نی بهالنتیردی. 

انگلستان نینگ اوروپا بیرلیگی دن چیقیشی و بعضی اوروپا اتفاقی رهبر لری نینگ خوددی شوو بیرلیک نینگ کینگییشی گه مخالفت ایتیاتگن لیگی باره سیده بحث ایتگن علی اف, "قرداش تورکیه مثالی گه قره یلیک چی.  تورکیه نینگ اوروپا بیرلیگی بیلن کیلیشوو امضاله گن لیگی دن اوزاق ییل لر اوتیب کیتدی. لیکن کیین تشلنگن قدم لر نتیجه بیردی می؟ البته که نتیجه بیرمه دی.  بو کتته بیر عدالتسیزلیک دن عبارت.  بعضی سابق سویت اتفاقی اولکه لری اوروپا بیرلیگی گه اعضا ایتیب قبول ایتیلدی.  اولر تورکیه دن کوپراق ایلغار می ایدی؟ یوق.  اولر اوروپا بیرلیگی گه اعضالیک اوچون ینه ده کوپراق تیار می ایدی؟ یوق.  خوب, نیمه اوچون اولر نی اعضا ایتیب قبول قیلگن حالده تورکیه نی قبول قیلمه دی لر.  اوشبو سئوال نینگ جوابی انیق ایدی.  خوددی شوو سئوال نینگ جوابی تورکیه نینگ مسلمان بیر اولکه ایکن لیگی ایدی.  ایندی اوشبو مطلب نی انیق ایتماقده لر.  آلدین بعضی نرسه لر نی بهانه قیلماقده ایدی لر. ایندی واضح ایتماقده لر.  مسلمان ایکن لیگی سببلی تورکیه نی اوروپا بیرلیگی اعضاسی ایتیب قبول قیلیش دن تارتینماقده لر.  بونده ی بیر وضعیتده آذربایجان نی هم قبول قیلیش لری ممکن ایمس.  بیزنی اعضا بولیش گه چقیریش لری تقدیرده بیز قبول قیلمی میز" دییه قید ایتدی.