تورکیه دن شیلی گه قیغوداشلیک بیلدیریلدی
تشقی ایشلر وزیرلیگی تامانیدن یازمه بیانات بیریلدی.
تورکیه دن، انترکتیکا (جنوبی قطب)ده بیر مرکزگه باراتگن پیتده شیلی اردوسی گه باغلیق عسکری اوچاق نینگ اوقیانوس گه قولب- توشیشی باعث حیاتینی یوقاتگنلر اوچون شیلی گه قیغوداشلیک بیلدیریلدی.
تشقی ایشلر وزیرلیگیدن بیریلگن یازمه بیاناتده، شیلی قوراللی کوچلریگه باغلیق عسکری بیر اوچاق نینگ انترکتیکا (جنوبی قطب) کیته یاتگن پیتده اوقیانوس گه قولب – توشیش خبرینی آلینگن لیگی معلوم قیلیندی.
"بو الملی حادثه ده حیاتینی یوقاتگنلرنینگ عایله لری بیلن شیلی خلقی گه یوراکدن قیغوداشلیک بیلدیره میز" دیب ایتیلگن.
اولکه نینگ جنوبیده جایلشگن مگالانیس سمتی نینگ پایتختی پونته اریناسدن Presidente Eduardo Frei Montalva مرکزیگه باره یاتگن شیلی هوا کوچلری نینگ C-130 Hercules مودل اوچاغی بیلن ارتباط 1 ساعت 7 دقیقه کیین کیسیلیب قالگندی.
مذکور اوچاقده هوا کوچلری قومندانلیگی پرسونلی 17 کیشی و 3 ته سی تینچ اهالی 21 یوللاوچی بولیب 38 کیشی نینگ موجود ایکن لیگی بیلدیریلگن ایدی.
علاقه لی ینگی لیکلر
بیرلشگن عرب امیرلیکلری دولت باشلیغی بیلن تورکیه تشقی ایشلر وزیری اوزارا اوچره شوو اوتکزدی
تورکیه تشقی ایشلر وزیری بیرلشگن عرب امیرلیکلریگه تشریف بیوردی
تورکیه بیلن فلسطین اورته سیده کیلیشوو بولیب اوتدی
اوشبو کیلیشوو عین حالده تورکیه پارلمانی تامانیدن قبول قیلیندی