اروپا کینگشی باش منشیسی تورکیه نی تقدیر ایته میز، دیدی

اروپا کینگشی باش منشیسی ماریا پیجینوویچ بوریک Marija Pejcinovic Buric، تورکیه نینگ تروریزم گه قرشی کوره شینی تقدیر ایتگنلیکلرینی ایتدی.

بوریک، استانبولده اویوشتیریلگن انسان حقلری بوییچه حرکت ریجه سی نینگ عملی قیلینیشینی و راپورلنیشینی قولب – قوتلش پروگرامیده صحبت قیلدی.

انسان حقلری ساحه سیده تورکیه نی قولب – قوتلش و همکارلیک قیلیش گه دوام ایته جکلرینی بیلدیردی.

فتح الله چی ترور تشکیلاتی نینگ 2016- ییلی 15 – جولایده گی تونترووگه تشبثی نینگ تورکیه نینگ دموکراتیک اداره لریگه قره ته آلیب باریلگن بیر هجوم ایکن لیگینی معلوم قیلدی.

"بیز اروپا کینگشی اوله راق تیزلیکده عکس العمل کورستدیک. انسان حقلری، دموکراسی، حقوق نینگ اوستون لیگی گه ایشانه میز. اعضا دولتلر اوله راق همه میز بونینگ اوچون اورونماقده میز. تورکیه نینگ تروریزم گه قرشی کوره شینی تقدیر ایته میز" دیب گپیردی.

اروپا بیرلیگی تورکیه نماینده لیگی باشلیغی کریستیئان برگر Cristian Berger، ایسه تورکیه نینگ اتفاق نینگ مهم اورتاقلریدن بیرته سی بولیب دوام ایته جگینی افاده ایتدی.

"تورکیه بیلن اینیقسه کوچ، تروریزم گه قرشی کوره ش، اقتصاد و تجارت کبی موضوعلرده آلیب باریله دیگن همکارلیک و بو توغریده آلغه باریلیشی جوده مهم دیر" دیدی.