جمهور باشلیغی ایردوغان تورکیه بویوک ملت مجلسی گروپ جلسه سیده صحبت قیلدی

جمهور باشلیغی رجب طیب ایردوغان، امریکا قوشمه ایالتلری نینگ ایف – 35 توغریسیده کیلیشمسلیک یانداشووینی دوام ایتگن حالده تورکیه نینگ باشقه چاره-تدبیر کوریش گه مجبور قاله جگینی ایتدی.

جمهور باشلیغی و عدالت ترقیات حزبی باشچیسی ایردوغان، حزبی نینگ تورکیه بویوک ملت مجلسیده گی گروپ جلسه سیده صحبت قیلدی.

جمهور باشلیغی ایردوغان، امریکا قوشمه ایالتلری دولت باشلیغی دانلد ترامپ بیلن اوچره شوو توغریسیده؛

"اوچره شوولرده اورته میزده گی مسله لرده انیق ییچیم تاپالمه دیک، بیراق بو مسله لرنینگ مناسبتمیزگه ضرر ییتکیشی گه هم فرصت بیرمه گنیمیزنی عالم گه کورستدیک" دیدی.

ایردوغان جنابلری؛

"ایف – 35 (حربی اوچاقلر) توغریسیده کیلیشمسلیک یانداشووی دوام ایتگن حالده تورکیه نینگ اورته مدتده احتیاجلرینی برطرف ایتیش اوچون باشقه چاره-تدبیر کوریش گه مجبور قاله جگینی ایتدیک" دیب فاده ایتدی.

جمهور باشلیغی ایردوغان بولووچی ترور تشکیلاتی وای پی جی / پی کاکانی داعش گه قرشی اوروشگن بیر ساختار کبی کورتیش اوچون اورونگنلرنینگ بوگون خوددی شو گروپ نینگ تینچ اهالی قتل عاملری نینگ اوستینی یاپیش گه اورونگنینی اورغوله دی.

سوریه نینگ شمالیده تینچلیک چشمه سی عملیاتی چوکاتیده کنترول آستیگه آلینگن مسکونی منطقه سانی 600 نی آشیب باررکن تاثیرسیز وضعیت گه کیلتیریلگن تروریست سانی نینگ 1 مینگ 200 گه ییتگن لیگینی بیان ایتدی.

"اولکه میزگه قره ته ترور تهدیدلری ادغگه ییتگونچه گه قدر تروریستلرگه قرشی کوره شیمیز دوام ایته دی" دیدی.

ایردوغان،

"امریکا قوشمه ایالتلری بیلن روسیه نینگ باریلگن کیلیشووگه مناسب شکلده، تعیین قیلگن منطقه لرنی تروریستلردن بوتونله ی تمیزله مه گن لیگی انیق کوریلماقده دیر" دیب گپیردی.