جمهوررئیس اردوغان تورکیه- اوروپا بیرلیگی مناسبت لری حقیده گپیردی

تورکیه جمهوریتی جمهوررئیسی رجب طیب اردوغان رسمی بیر سفر بیلن هنگری گه تشریف بویوردی. 

جمهوررئیس اردوغان خوددی شوو سفری دایره سیده هنگری باش وزیری ویکتور اوربان بیلن اورتاق مطبوعاتی کنفرانس ترتیب له دی.

هنگری نینگ تورکیه نینگ اوروپا بیرلیگی اعضالیگی نی قوللب- قُوَتلَیاتگن لیگی نینگ کتته اهمیت گه ایگه ایکن لیگی نی بیلدیرگن اردوغان, "حقیقت دن هم حرمتلی باش وزیر نینگ اوشبو خصوصده گی حمایه سی اوچون هردایم تشکر بیلدیره من.  اینیقسه بونی ایسله تیب اوتیشیم کیره ک.  البته که اوروپا بیرلیگی نینگ سونگگی پیتده اولکه میز بیلن علاقه لی مثبت بیر سیاست آلیب بارمیاتگن لیگی کورینماقده.  اوروپا بیرلیگی اعضاسی بیر نیچه اولکه نینگ اورته سیده گی جنجال لرنینگ تورکیه بیلن اوشبو بیرلیک اورته سیده گی مناسبت لر گه تاثیر قالدیرمس لیگی کیره ک.  اوشبو بیرلیک, خوددی شوو سیاست لری بیلن اساساً اوزی گه ضرر بیره دی.  تورکیه نینگ انیق اعضالیگی نینگ خوددی شوو بیرلککه قوشه دیگن حصه سی نینگ درک ایتیلیشی کیره ک" دییه قید ایتدی. 

بعضی ستراتیژیک دوست لرنینگ ترور تشکیلاتی باشلیق لری بیلن اوچره شگن لیک لری و اولر بیلن همکارلیک قیلگن لیک لری سببلی خفه بولگن لیک لری نی بیلدیرگن اردوغان اوز سوز لری نی, "تروریست نینگ یخشی سی, 'مینیکی سینیکی' دیگن گپ یوق. کوره شیشی میز تقدیرده, قرار لی بولیشی میز کیره ک." شکلیده دوام ایتتیردی. 

جمهوررئیس اردوغان, تورکیه قوراللی کوچ لری نینگ سوریه ده فرات دریاسی نینگ شرقیده اویوشتیرگن عملیاتی دن عبارت تینچلیک چشمه سی نی عملیاتی نی حمایت قیلگن لیگی اوچون باش وزیر اوربان گه منتدارچیلیک بیلدیردی.