تورکیه فرانسه نی قتتیق قاره له دی

تورکیه جمهوریتی فرانسه سناسی نینگ حجاب بیلن علاقه لی قراری نی قاره له دی. 

تورکیه تشقی ایش لر وزیرلیگی تامانیدن بیریلگن یازمه بیاناتده,  "فرانسه سناسیده قبول ایتیلگن و حجابلی آنه لرنینگ مکتب لرنینگ سیاحت لری گه همراه لیک قیلیشی نینگ توسیق له نیشی بوییچه قانون لایحه سی نی قتتیق قاره لب رد ایته میز" دییه قید ایتیلدی. 

عینی دمده بیانات ده, "اوشبو وضعیت, فرانسه نینگ مسلمان لر گه قرشی تبعیض قیلیاتگن لیگی توغریسیده گی ینگی بیر مثال نی تشکیل ایتماقده.  خوددی شوو وضعیت نینگ فرانسه ده یشیاتگن تورک و مسلمان جمعیت لر, اولکه میز و باشقه خلق ارا ارزش لر گه ایشانیاتگن اولکه لر تامانیدن قبول قیلینیشی ممکن ایمس. فرانسه مقام لری نینگ, اولکه لری ده اسلام و چیت ایللیک لر گه دشمن لیک نی تشویق قیله دیگن و دینی ایرکین لیک لر نی چیگره لب قویه دیگن بونده ی ایش لر اورنی گه, اسلام گه دشمن لیککه قرشی کوره ش بوییچه قانونی تدبیر لر آلیش لری فایده لی بوله دی. هردایم ایرکین لیک لر توغریسیده بحث ایتیب کیلیاتگن اولکه لرنینگ حاضرگی کونده اینگ اساسی انسان حق و ایرکین لیک لر نی پایمال قیلیاتگن لیگی خوددی شوو اولکه لرنینگ ایککی یوزله مه چیلیگی نینگ کورستگیچی دن عبارت" شکلیده گی جمله لر گه اورین اجره تیلدی.