تورکیه سوریه نینگ شمالیده ترور تشکیلاتلری گه قرشی عملیات باشلتدی
اوشبو مطلب نی جمهوررئیس اردوغان بیلدیردی
تورکیه جمهوریتی قوراللی کوچ لری, سوریه نینگ شمالیده ترور تشکیلاتی پی کا کا/وای پی جی و داعش گه قرشی عملیات باشلتدی. اوشبو عملیات نینگ آتی ایسه "تینچلیک چشمه سی" دن عبارت.
خوددی شوو عملیات نینگ باشله گن لیگی نی تورکیه جمهوریتی جمهوررئیسی رجب طیب اردوغان تویتر آرقه لی بیرگن بیاناتیده بیلدیردی.
اردوغان, تورک, انگلیس و عرب تیللریده یازگن اوشبو پیامیده, "تورکیه قوراللی کوچ لری سوریه ملی اردوسی بیلن بیرگه سوریه نینگ شمالیده ترور تشکیلاتی پی کا کا/وای پی جی و داعش گه قرشی تینچلیک چشمه سی عملیاتی نی باشلتدی" دییه قید ایتدی.
مقصد لری نینگ تورکیه نینگ جنوبی چیگره سیده تشکیل ایتیلیش گه حرکت قیلینیاتگن تروریزم دهلیزی نی یوق ایتیش و منطقه ده تینچ لیک نی تامین ایتیش دن عبارت ایکن لیگی نی بیلدیرگن اردوغان, اوز سوز لری نی, "تینچلیک چشمه سی عملیاتی بیلن اولکه میز گه قره تیلگن تهدید لرنی برطرف قیله میز" شکلیده دوام ایتتیردی.
اوشبو عملیات نتیجه سیده امن منطقه نینگ قوریلیشی بیلن بیرگه سوریه لیک مهاجر لرنینگ عودت قیله باشلیدیگن لیگی نی معلوم قیلگن اردوغان, "تینچلیک چشمه سی عملیاتی بیلن سوریه نینگ ارضی تمامیتی نی اسره ب قالرایکن, منطقه یشاوچی لری نی ترورچی لر دن قوتقرمه میز" دییه قید ایتدی.
جمهوررئیس اردوغان اوشبو عملیات گه اشتراک قیلگن قهرمان تورک اردوسی منسوب لری گه موفقیت لر گه تیلب قالدی.
