تورکیه نینگ نو شهر ولایتیده جایلشگن توریستیک جایلر سیاح بیلن تولیب تاشدی

تورکیه نینگ اونیملی توریزم مرکزلریدن بولمیش قپه دوکیاده گی موزیم و تاریخی جایلرگه جاری ییل نینگ جنوری- آگست ایلری اورته سیده 2 میلیون 522 مینگ 378 سیاح کیلگن.

پری باجه لر، طبیعی قایالر، وادیلر، ییر آستی مسکونی ساحه لر، تاریخی عبادتگاهلر، مغاره هوتللر، ایسیق هوا بالونلری و تورلی فعالیتلر بیلن سیاحلرنینگ علاقه سینی اوزیگه جلب قیلیب آلگن قپه دوکیاگه 8 آی جریانیده کیلگن سیاح سانی 2018 – ییل بیلن قیاسله گنده 28، 2017 – ییل بیلن قیاسله گنده 72 فایز و 2016 – ییل بیلن قیاسله گنده 139 فایز کوپه ییب 2 میلیون 522 مینگ 378 سیاح ییتدی.

جاری ییل نینگ جنوری- آگست آیلریده اینگ کوپ آگست آییده سیاح کیلیب 566 مینگ 33 گه ییتگن. اینگ کوپ سیاح ایسه 933 مینگ 495 توریست بیلن گوره مه آچیق موزیمی گه کیلگن.