تورکیه تشقی ایشلر وزیری قبرس موضوعی بوییچه مهم بیانات بیردی

تشقی ایشلر وزیری مولود چاووش اوغلی، قبرس توغریسیده تورکیه و قبرس تورکلری نینگ قیزیل خطی موجود ایکن لیگینی ایتدی.

چاووش اوغلی پایتخت انقره ده مونته نگرو تشقی ایشلر وزیری سردجان درمانویچ بیلن مشترک مطبوعاتی کنفرانس اویوشتیردی.

چاووش اوغلی قبرس مسئله سی بوییچه، تورکیه نینگ هیچ بیر ترجیح نی رد ایتمه گنینی و ایریم ترجیحلرنی هم بهالندیریلیشی کیره ک لیگینی آلدین هم افاده ایتگنینی ایتدی.

 نتیجه لی مذاکره لرگه مراجعه قیلیش و مذاکره بوییچه اسنادنینگ انیق بولیشی کیره ک لیگینی افاده ایتدی.

چاووش اوغلی جنابلری، "بیز و قبرس تورکلری اوچون حساس بولگن و وازکیچیشی ممکن بولمه گن قیزیل خطلریمیز باردیر. بولردن مهمی سیاسی تینگ لیکدیر. حصه قوشیش و نوبتی ریاست دیر. بولرنی انیقلب تاریتشوودن تشقریگه قوییش کیره ک" دیدی.

تورکیه تشقی ایشلر وزیری چاووش اوغلی، تورکیه نینگ هردائیم ییچیم نی قولب – قوتله گنینی اورغولب، "بوندن کیینگی مذاکره لرگه نتیجه نی مقصد قیلیب آلووچی و انیق بیر چوکات بولیشی کیره ک. ایندی ناموفقیت لیک نی هم تورکیه اوله راق همده قبرس اوله راق قبول قیلمه یمیز. گپ بولسین دیب مذاکره قیلیشنی معناسی یوق" دیب گپیردی.