تورکیه ده ترور تشکیلاتی پی کاکاگه قره ته کینگ کولملی عملیات آلیب باریلماقده

ماردین، شیرناق و باتمان ولایتلریده بولووچی ترور تشکیلاتی پی کاکاگه قره ته آلیب "قیران -2 مشترک عملیات" باشله تیلدی.

خوفسیزلیک کوچلری نینگ مشترک قتنه شیشی بیلن ماردین، شیرناق و باتمان دشتلریده باشله تیلگن "قیران-2 عملیاتی" نی ژاندارم باش قومندانی جنرال عارف چیتین و امنیتی کوچلر باش مدیری مِحمد آقتاش، ماردین نینگ میدیات تومنیدن باشقرماقده لر.

دیاربکر ژاندارم حوزه قومندانی جنرال خالص ظفر، ماردینده عملیات باشقرووچیسی اوله راق ساحه ده اورین آلماقده.

عملیات، بولووچی ترور تشکیلاتی پی کاکا منسوبی ترورچیلرنی قولگه آلیش و تاثیرسیز وضعیت گه کیلتیریش اوچون اویوشتیریلماقده دیر. عملیات چوکاتیده، 3 ولایتده ژاندارم کوماندو، ژاندارم و پولیس خاص حرکات گروهی بیلن امنیتی محافظلردن عبارت 117 اوپراسیون گروهی وظیفه آلماقده.