جمهور باشلیغی ایردوغان قبرس تورک جمهوریتی باش وزیری بیلن مشترک مطبوعاتی کنفرانس اویوشتیردی

جمهور باشلیغی رجب طیب ایردوغان، تورکیه نینگ شرقی آق دینگیزده هایدرو کاربون قیدیروو فعالیتی گه قاطعانه دوام ایته جگینی ایتدی.

ایردوغان انقره گه تشریف بویورگن شمالی قبرس تورک جمهوریتی باش وزیری ایرسین تاتار بیلن مشترک مطبوعاتی کنفرانس اویوشتیردی.

ایردوغان بو جایده قیلگن صحبتیده شولرنی ایتدی.

"اوز حقلریمیزنی قنداغ قوریقله گن بولسک، قبرس تورکلری نینگ هم آرالده گی و منطقه ده گی منفعتلرینی قوریقلش گه دوام ایته میز. قبرس ده گی بحران نینگ بار بولیب باریشی بوگونگچه روم تامانی نینگ کیلیشماوسیزلیگی باعث دیر" دیدی.

"توناون گچه قبرس تورکلری نینگ قانینی توکیب آرالنی قولگه کیریتماقچی بولگنلر، بوگون هم سیاسی و اقتصادی هجوملر آرقه لی بو کبی مقصدده لر. قبرس نینگ روم تامانی، صمیمی و ایشانچ بیلن کیلیشوو زمینه سی گه تیار بولگنده آرالده همه کوتگن تینچ لیک فضاسی تامین بولیشی ممکن بوله دی" دیب ایتدی.

ایردوغان شرقی آق دینگیزده تورکیه و شمالی قبرس تورک جمهوریتینی یوق دیب حساب قیله دیگن هیچ بیر پروژه نینگ عملی بولمس لیگینی معلوم قیلدی.

"حادثه لردن درس آلمه گنلرگه معقول جوابنی بیریشدن قول تارتمس لیگیمیزنی ایتماقچی من" دیدی.