تورکیه ده افغانستان مستقل لیگی نینگ یوز ییللیگی نشانلندی

افغانستان مستقل لیگی نینگ یوز ییللیگی مناسبتی بیلن تورکیه جمهوریتی پایتختی انقره ده شیراتون هوتلده بیر محفل بولیب اوتدی.

اوشبو محفل گه تورکیه جمهوریتی جمهوررئیسی نینگ اورینباسری فواد اوکتای, تورکیه ملی مدافعه وزیری خلوصی آقر, تورکیه قوراللی کوچ لری قوماندانی سترجنرال یاشر گولر, افغانستان نینگ انقره ایلچیسی عبدالرحیم سید جان و باشقه مهمان لر اشتراک قیلدی. 

اوشبو محفلده صحبت قیلگن افغانستان ایلچیسی سید جان, تورکیه نینگ معارف, خوفسیزلیک کوچ لری نینگ تعلیمی, ساغلیق و قیته قوریش ایش لری بوییچه افغانستان خلقی بیلن همکارلیک قیلیاتگن لیگی نی بیلدیردی. 

عینی دمده سید جان, تورکیه نینگ افغانستان نی تن آلگن بیرینچی اولکه دن عبارت ایکن لیگی نی معلوم قیلدی. 

افغانستان ایلچیسی اولکه سی نینگ تینچلیک نینگ اورنه تیلیشی اوچون سعی و حرکت قیلیاتگن لیگی نی معلوم قیلرایکن, اینیقسه تورکیه نینگ همکارلیگی نینگ بولمس لیگی تقدیرده اوشبو هدف گه نایل بولیش نینگ ممکن ایمس لیگی نی بیلدیردی. 

بوندن تشقری, سید جان, طالبان گه قرشی کوره شیاتگن لیک لری نی بیلدیررایکن, مذاکره و تینچلیک یوللری نینگ هم آچیق ایکن لیگی نی ایسله تیب اوتدی.  

افغانستان ایلچی سید جان آرتیدن ایسه تورکیه جمهوریتی جمهوررئیسی نینگ اورینباسری فواد اوکتای معروضه قیلدی. 

اوکتای, افغانستان مستقل لیگی نینگ یوز ییللیگی نی افغانستان دولتی و خلقی گه تبریک ایترایکن, تورکیه جمهوریتی کوچ لری نینگ افغانستان ده گی موجودیتی نینگ اوزی نینگ تورکیه نینگ افغانستان گه قنچه لیک اهمیت بیریاتگن لیگی نی کورسه تیاتگن لیگی نی بیلدیردی. 

اوکتای, خلق ارا جامعه نینگ حمایتی بیلن افغانستان ده قالووچی بیر تینچلیک نینگ اورنه تیلیشی نینگ ممکن ایکن لیگی نی بیلدیررایکن, تورکیه نینگ اوشبو جهتده قولیدن کیله دیگن برچه سعی و حرکت لر نی قیله دیگن لیگی نی معلوم قیلدی.

عینی دمده اوکتای, تورکیه بیلن افغانستان نینگ قتتیق کونلرده بیر بیر لری گه دوست بولیب کیلگن لیگی نی معلوم قیلرایکن, اوشبو دوستلیک نینگ کونساین مستحکم لشیاتگن لیگی نی بیلدیردی. 

افغانستان مستقل لیگی نینگ یوز ییللیگی مناسبتی بیلن تورکیه جمهوریتی نینگ استانبول شهریده جایلشگن ایککی مهم کوپریک دن عبارت فاتح سلطان محمد و یاووز سلطان سلیم کوپریک لری افغانستان بیراغی نی عکس ایتتیریاتگن چراغ لر بیلن بیزه تیلدی.