تورکیه تشقی ایشلر وزیری تایلندگه سفر قیلیب باردی

تشقی ایشلر وزیری مولود چاووش اوغلی، جنوب – شرق آسیا اولکه لری بیرلیگی ASEAN (فلپین، ملیزیا، تایلند، اندونیزیا، سنگاپور) جلسه سیگه قتنه شیش اوچون تایلنددگه سفر قیلیب باردی. بو جایده چیئانگ مائی والیسی سوکپراچای لمسوان و تجارت اتاغی باشلیغی واردوم پیتاکانونده بیلن اوچره شوو اوتکزدی.

چاووش اوغلی تویتیر آدرسی آرقه لی پایلشگن پیامیده،

"طبیعی گوزه للیک و مدنی (کلتوری) بای لیک که ایگه چیئانگ مائی ده والی سوکپراچای لمسوان بیلن توریزم ایشلرینی بهالندیریب گپیردیک" دیب یازگن.

پیتاکونونده بیلن قیلگن صحبتی بیلن تیگیشلی اوله راق؛

"غازی انتیب و بورسا بیلن قرینداش شهر دیب اتلگن چیئانگ مائی تجارت اتاغی باشلیغی بیلن تجارت بیلن علاقه لی فرصتلرنی قولگه آلدیک" دیب یازگن.

تشقی ایشلر وزیری چاووش اوغلی، اشتراک ایته دیگن 52- ASEAN تشقی ایشلر وزیرلری کینگشی 27- جولای 3- اگست تاریخلری اورته سیده تایلندنینگ پایتختی بانگکوکده بولیب اوته دی.