افغانستان ده اویوشتیریلگن تروریستی هجوم عاقبتیده کوپلب کیشی جان بیردی
اوشبو حادثه افغانستان نینگ قندهار ولایتیده یوز بیرگن
افغانستان نینگ جنوبیده جایلشگن قندهار ولایتی امنیه قوماندان لیگی بنا سی گه تروریستی هجوم اویوشتیریلدی. اوشبو هجومده منفجره مواد یوکلنگن بیر موتر دن استفاده قیلینگن.
قندهار ولایتی سوزچیسی احمد بهیر احمدی, هجومچی لردن بیری نینگ اوشبو بنا نینگ دخولی قسمیده منفجره مواد یوکلنگن موتر نی پارتله تیشی آرتیدن باشقه ترورچی لر بیلن خوفسیزلیک کوچ لری اورته سیده توقنه شوو یوز بیرگن لیگی نی بیلدیردی.
احمدی, هجومچی لرنینگ همه سی نینگ یوق قیلینگن لیگی نی معلوم قیلدی.
سوزچی, اوشبو حادثه عاقبتیده 11 کیشی نینگ جان بیرگن لیگی و 82 نفر نینگ ایسه یره لنگن لیگی نی بیلدیردی.
عینی دمده سوزچی, جان بیرگن کیشی لرنینگ ایککی نفری نینگ و یره لنگن لرنینگ هم 2 کیشی سی نینگ پولیس ایکن لیک لری نی معلوم قیلدی.
خوددی شوو حادثه عاقبتیده یره لنگن کیشی لرنینگ بعضی لری نینگ ساغلیق وضعیتی نینگ یمان ایکن لیگی بیلدیریلدی.
اوشبو حمله نینگ مسئولیتی نی طالبان گروهی اوز ذمه سیگه آلدی.
تورکیه جمهوریتی, اوشبو حمله نی قاره له دی.
تورکیه جمهوریتی تشقی ایش لر وزیرلیگی تامانیدن بیریلگن یازمه بیاناتده, "اوشبو تروریستی هجوم نی قاره لرایکن, حادثه عاقبتیده جان بیرگن کیشی لرگه الله دن رحمت, دوست افغانستان حکومتی و خلقی گه تسلیت بیلدیریب, یره لنگن کیشی لر گه ایسه عاجل شفا لر تیلب قاله میز" دییه قید ایتیلدی.
علاقه لی ینگی لیکلر
تورکیه رادیو تلویزیونی گه مکافات بیریلدی
اوشبو مکافات سیونیست حرکت نینگ تاریخی گه تیگیشلی دقت گه سزاوار اوچ بولیملیک ویدیو طفیلی بیریلدی
تورکیه جمهور باشلیغی ایردوغان فلسطین بوییچه مهم بیانات بیردی
فلسطنلیک لرنینگ اوزاق ییلللردن بیری اوی - جایی گه قیتیش گه حسرت قالگن لیگینی تیلگه آلدی