تورکیه نیجر ده اویوشتیریلگن هجوم نی قاره له دی

تورکیه, نیجر نینگ مالی چیگره سیده حربی بیر مرکز گه قره ته اویوشتیریلگن تروریستی هجوم نی قاره لب چیقدی. 

تورکیه جمهوریتی تشقی ایش لر وزیرلیگی تامانیدن بیریلگن یازمه بیاناتده, اویوشتیریلگن انتحاری هجوم عاقبتیده کوپلب کیشی نینگ جان بیرگن لیگی معلوم قیلیندی. 

بیاناتده, "اوشبو تروریستی هجوم نی قاره لرایکن, قرداش نیجر خلقی و حکومتی گه تسلیت بیلدیریب, جان بیرگن کیشی لر گه الله تعالی دن رحمت طلب قیله میز" دییه قید ایتیلدی. 

نیجر نینگ مالی چیگره سیده اردو گه عاید بیر قرارگاه گه قره ته اویوشتیریلگن تروریستی هجوم عاقبتیده 18 عسکر جان بیرگن ایدی. 

عینی دمده اوشبو حادثه آرتیدن 4 عسکر نینگ ایسه یوقالگن لیگی معلوم قیلینگن ایدی. 

نیجر اردوسی, اولکه نینگ غربیده داعش و القاعده بیلن ارتباطی بولگن ترور تشکیلات لری گه قرشی کوره ش آلیب بارماقده. 

عینی دمده منطقه ده فرانسه نینگ هم ترور تشکیلات لری گه قرشی کوره ش اوچون 4 مینگ دن آرتیق عسکری موجود.