جمهور باشلیغی ایردوغان چین دولت باشلیغی تامانیدن کوتیب آلیندی

تورکیه جمهور باشلیغی رجب طیب ایردوغان جاپانده گی اوچره شوولری نینگ آرتیدن چین گه جونب کیتدی.

جمهور باشلیغی ایردوغان چین دولت باشلیغی شی جینگپینگ تامانیدن بویوک خلق صالونیده رسمی مراسم آرقه لی کوتیب آلیندی.

مراسم نینگ آرتیدن ایککی دولت اربابی یوزمه یوز اوچره شووگه اوتدیلر.

ایردوغان و شی کیین هیئتلر ارا اوچره شووگه باشچی لیک قیله دیلر.

جمهور باشلیغی ایردوغان گه تورموشی امینه ایردوغان بیلن بیرگه لیکده تشقی ایشلر وزیری مولود چاووش اوغلی، مالیه وزیری برات آلبیراق، مدنیت و توریزم وزیری مِحمد نوری ایرسوی، ملی مدافعه وزیری خلوصی آقر، تجارت وزیری رخسار پیکجان، عدالت و ترقیات حزبی باشلیغی اورینباسری جودد ییلمز، جمهور ربئیس لیک علاقه لر باشلیغی فخرالدین آلتون و جمهور ربئیس لیک سوزچیسی ابراهیم قلین همراه لیک قیلدی.

ایککی رهبر یوزمه یوز ملاقات نینگ آرتیدن هیئتلر ارا جلسه گه باشچی لیک قیله دیلر.

اوچره شوونینگ مهم موضوعلریدن بیرته سی 2017 – ییلی عملی بولیب باشلنگن "بیر نسل بیر یول پروژه سی" بوله دی.

عین دمده اوز ارا اقتصادی مناسبت هم قولگه آلینه دی.