تورکیه ده جایلشگن تاریخی غازی انتیب شهری حقیده قیسقه معلومات

تورکیه نینگ جنوبشرقی انادولو منطقه سیده اورین آلگن غازی انتیب شهریده کوپلب تاریخی و فرهنگی اثر لر موجود. 

غازی انتیب, تاریخ دوامیده انادولو ده قوریلگن برچه دولت لر اوچون مهم بیر مرکز بولیب کیلگن.  روم امپراطورلیگی دوریده بیر چیگره شهریدن عبارت ایدی غازی انتیب.  395 – ییلده امپراطورلیک نینگ بولینیشی آرتیدن شرقی روم تامانیده قالگن.  مقدس اسلام دینی نینگ کینگ قولاچ یایه باشله شی آرتیدن ایسه عباسی لرنینگ کنترولی گه اوتگن اوشبو شهر. 

غازی انتیب و تیگره گی 1067 – ییلده تورک لرنینگ حاکمیتی آستی گه اوترایکن, انادولو سلجوقی دولتی نینگ چیگره لری ایچیده اورین ایگلله دی.  13- عصر نینگ اورته سیده مغل لر تامانیدن اشغال ایتیلدی.  اشغال دن ایسه مملوک دولتی تامانیدن قوتقریلدی.  منطقه ده عثمانی دولتی نینگ حاکمیتی آرتیدن برقرارلیک تامین ایتیلدی.  بیرینچی دنیا اوروشی کیتیدن اشغال ایتیلیشی گه قره مسدن, جدی بیر کوره ش نتیجه سیده ینه تورک لرنینگ کنترولی گه اوتدی. 

غازی انتیب ده فرقلی مدنیت لرنینگ اثر لری و ایلک چاغ لر دن بیری یشب کیلگن جمعیت لرنینگ ایز لری نی کوریش ممکن. تاریخی ایپک یولیده اورین آلگن لیگی سببلی تاریخ دوامیده فرهنگ و تجارت نینگ مرکزی بولیب کیلگن غازی انتیب.  اوشبو شهر ده گی فرقلی تاریخی اثر لر شهر نینگ فرهنگی بای لیگی نی عکس ایتتیرماقده. 

اوشبو شهرده کوپلب تاریخی قلعه لر موجود.  اوتمیشی 2- عصر گه باریب تقیلگن غازی انتیب قلعه سی, انادولو ده گی اینگ مهم قلعه لردن بیری نی تشکیل ایتماقده.  شهر چیگره لری ایچیده ارابان قلعه سی, روم قلعه و تیلباشار قلعه سی کبی یوزلب ییللیک اوتمیش گه ایگه کوپلب قلعه لر موجود. 

عثمانی دولتی دوریده, شهرده یشیاتگن مسلمان بولمه گن کیشی لر اوچون کلیسا لر هم موجود ایدی.  کیندیرلی کلیساسی, عزیز کلیساسی و نزب فوقانی کلیساسی کبی کلیسا لر نی اوشبو خصوصده مثال قیلیب کورسه تیش ممکن.

میلادی 1200 – ییلده قوریلگن علی نجار و عمریه جامع مسجد لری, 16- عصرده قوریلگن شیخ فتح الله مسجدی بیلن مجتمع سی, ایوب اوغلی و آلای بیک جامع مسجد لری, 17- عصر گه عاید شیروان و قورتیلیش مسجد لری اوشبو شهرده گی اینگ مهم جامع مسجد لردن عبارت. 

غازی انتیب ده, سلجوقی و عثمانی دوری معماری سی گه عاید کوپلب سرای لر هم موجود.  هیشوه, انادولو, بیاض, بودَیری, بوغدای, گمرک, شکر, توز و توتون سرای لری اوشبو شهرده اورین آلگن یوزلب ییللیک اوتمیش گه ایگه تاریخی سرای لردن عبارت بولیب اوزاق ییل لر دوامیده تجارت اوچون خدمت قیلیب کیلگن. 

غازی انتیب ده, عثمانی معماری سی نینگ مهم اثر لریدن عبارت تاریخی حمام لر دن حاضرگی کونده هم استفاده قیلینماقده. 

غازی انتیب ده باریب کوریشینگیز ممکن بولگن اینگ مهم جای لردن بیری زیوگما انتیک شهریدن عبارت.  میلاد دن آلدین 300 – ییلده قوریلگن اوشبو شهر اوز دوریده صنعت ساحه سی بوییچه ایلغار سویه ده ایدی.  اوشبو جغرافیه ده دنیاده مثالی کورینمه گن جوده هم گوزه ل موزائیک لر موجود ایدی.  منطقه نینگ فقط گینه معلوم بیر قسمیدن حفریات نتیجه سیده چیقاریلگن اثر لر اوشبو شهر نینگ اوز دوریده بیر موزائیک شهریدن عبارت بولگن لیگی نی کورستماقده. 

اوشبو انتیک شهردن چیقاریلگن اثر لر حاضرگی کونده, دنیا نینگ اینگ مهم موزیم لریدن بیری بولگن غازی انتیب موزائیک موزیمیده نمایش ایتیلماقده.

اوشبو خصوصیت لری سببلی غازی انتیب هر ییل یوز مینگلب توریست نی کوتیب آلماقده.  خوددی شوو تاریخی شهر گه باریشینگیز تقدیرده, قیته قوریلگن تاریخی غازی انتیب اوی لری نی کورمسدن, مذکور جغرافیه گه مخصوص کومیش, مس و صدف اثر لریدن آلمسدن و غازی انتیب گه خاص قهوه دن ایچمسدن قیتیب کیلمنگ لطفاً.