بیرلشگن ملتلر تشکیلاتی تورکیه گه منتدارچیلیک بیلدیردی

بیرلشگن ملت لر تشکیلاتی انسان حق لری بولیمی, سعودی عربستان لیک ژورنالست جمال قاشقچی نینگ اولدیریلیشی بیلن علاقه لی حادثه نینگ یاریتیلیب بیریلیشی توغریسیده قیلگن همکارلیگی اوچون تورکیه گه منتدارچیلیک بیلدیردی. 

انسان حق لری بولیمی اوشبو بولیم نینگ مسئول لریدن بیری بولگن آگنیس کالامارد تامانیدن قاشقچی حادثه سی بیلن علاقه لی تیارلنگن راپور توغریسیده یازمه بیانات بیردی. 

بیاناتده, قاشقچی نینگ اولدیریلیشی حادثه سی نینگ تیکشیریلیشی بوییچه قیلگن همکارلیک لری اوچون تورکیه حکومتی گه منتدارچیلیک بیلدیریلگن لیگی معلوم قیلیندی. 

تیارلنگن راپورده, جمال قاشقچی نینگ عمداً اولدیریلیشی بوییچه سعودی عربستان نینگ مسئول ایکن لیگی بیلدیریلگن ایدی. 

راپورده, سعودی عربستان نینگ ولیعهد شهزاده سی محمد بن سلمان داخل کوپلب یوقاری مرتبه لی مسئول لر نینگ تیکشیریلیشی اوچون ایشانرلی دلیل لرنینگ موجود ایکن لیگی معلوم قیلینگن ایدی. 

راپورده, سعودی عربستان نینگ, دیپلماتیک حق لر دن منفی فایده لنگن لیگی و اوز توپراق لریدن تشقری بیر جغرافیه ده کوچ دن فایده له نیش ممنوعیتی گه اویغون حرکت قیلمه گن لیگی سببلی تورکیه حکومتی دن کیچیریم سوره شی کیره ک ایکن لیگی بیلدیریلدی. 

عینی دمده راپورده, سعودی عربستان نینگ, خوددی شوو سبب لر بیلن قاشقچی نینگ یشه گن امریکا قوشمه ایالتلری دن هم کیچیریم سوره شی کیره ک ایکن لیگی معلوم قیلیندی. 

سعودی عربستان لیک ژورنالست جمال قاشقچی, 2018- ییل 2 اوکتوبر ده سعودی عربستان نینگ استانبول ده گی قونسلگرلیگیده اولدیریلگن ایدی.