تورکیه یمن خلقی نینگ دردی گه مرهم بولماقده

تورکیه جمهوریتی عاجل وضعیت لر اداره سی, یمن نینگ عدن ولایتیده گی محتاج عایله لر گه 800 کارتن غذایی مواد ترقتدی. 

اوشبو یاردم لرنینگ ترقه تیلیشی اوچون بولیب اوتگن مراسم گه تورکیه جمهوریتی عاجل وضعیت لر اداره سی تیمی دن برهان اسلان و تورکیه همکارلیک و کوردیناسیون آژانسی (تیکا) نینگ یمن مسئولی عبدالله ساری هم اشتراک قیلدی. 

اسلان, حدیده و طایز ولایتلریدن عدن گه قاچیب کیلگن عایله لر گه 800 کارتن غذایی مواد ترقه تیلگن لیگی نی معلوم قیلرایکن, تورکیه جمهوریتی عاجل وضعیت لر اداره سی نینگ رمضان آیی پلان لری دایره سیده 18 مینگ کارتن غذایی مواد نینگ عدن, مغرب و طایز ولایت لریده گی محتاج عایله لر گه ترقه تیله دیگن لیگی نی بیلدیردی. 

اوزاق بیر مدت دن بیری برقرارسیزلیک نینگ حاکم بولگن یمن ده حوثی لر بیلن حکومت کوچ لری اورته سیده اوروش لر دوام ایتماقده. 

حوثی لر, 2014- ییلی سپتامبر آییدن بیری پایتخت صنعا و ایریم منطقه لرنی کنترول ایترایکن, سعودی عربستان ییتکچیلیگیده گی ائتلاف کوچ لری ایسه 2015- ییلی مارچ آییدن بیری حوثی لر گه قرشی یمن حکومتی نی قوللب- قُوَتله ماقده.