تورکیه هیئتی سوریه نینگ شمالیده عالی بیلیم یورت لری نی کوریب چیقدی
تورکیه سوریه لیک یاش لرنینگ تحصیلی بوییچه اوز مسئولیت لری نی بجا کیتیرماقده
تورکیه جمهوریتی نینگ چیت ایللرده گی تورک لر و قرینداش جمعیت لر اداره سی نینگ باشلیغی عبدالله اره ن و اونینگ بیلن بیرگه کیتگن هیئت, سوریه نینگ شمالیده جایلشگن, فرات قالقانی و زیتون نوده سی عملیاتی آرقه لی ترورچی لر دن تصفیه قیلینگن منطقه لر نی باریب کوردی.
هیئت, سوریه توپراق لریده گی اعزاز, جرابلس, الباب و چوبانبی منطقه لریده تعلیمی مرکز لر و عالی بیلیم یورت لری نی کوریب چیقدی.
هیئت, چیت ایللرده گی تورک لر و قرینداش جمعیت لر اداره سی تامانیدن چوبانبی منطقه سیده عفرین عملیاتی جریانیده شهید بولگن موسی اوز آلکان نینگ وصیتی گه بناً قوریلگن فرهنگی مرکز ده ترتیب لنگن افطار دعوتیده یتیم لر بیلن بیرگه منطقه اهالی سی بیلن هم صحبت ایتدی.
سوریه ده گی اوروش لر سببلی تحصیل لری یریم بولیب قالگن یاش لرنینگ اوقیش لری نینگ دوام ایتیشی اوچون کوپلب فعالیت لر عمل گه آشیرگن لیک لری نی بیلدیرگن عبدالله اره ن, اوشبو یاش لرنینگ سوریه نینگ قیته قوریلیشی بوییچه اساسی رول گه ایگه بوله دیگن لیگی نی معلوم قیلدی.
اوشبو دایره ده چیت ایللرده گی تورک لر و قرینداش جمعیت لر اداره سی نینگ سوریه لیک لرنینگ عالی تحصیلی بوییچه جدی مسئولیت ایگه سی ایکن لیگی نی معلوم قیلگن عبدالله اره ن, "تورکیه ده سوریه لیک لرنینگ عالی تحصیلی بوییچه اداره میز مسئولیت لری نی بجا کیتیرماقده. سوریه لیک اوقووچی لرنینگ کمپ لرده و شهر مرکز لریده اوقیش لری بوییچه حصه قوشماقده میز. تروریزم دن تصفیه قیلینگن اوشبو منطقه لرده ایسه عالی تحصیل امکانیت لری خصوصیده بحث قیلیش اوچون تورکمن قرداش لری میز و باشقه قرداش جمعیت لر بیلن صحبت قیلیش اوچون بو ییرگه کیلدیک" دییه قید ایتدی.
علاقه لی ینگی لیکلر
استانبول هوا قونلغه سی اروپاده بیرینچی بولدی
استانبول هوا قونلغه سی کونده لیک مینگلب اوچیش بیلن اروپاده بیرینچی بولدی
ایردوغان بیلن مخبر اوزارا سوزلشوو اوتکزدی
تورکیه جمهور باشلیغی ایردوغان بیلن ایران جمهور باشلیغی اورینباسری مخبر اوزارا سوزلشوو اوتکزدی