ایردوغان ناتونینگ ییغینیده سوزگه چیقیب گپیردی

جمهور باشلیغی رجب طیب ایردوغان، سوریه ده ترور تشکیلاتی داعش گه قرشی یوزمه یوز اوروشگن و بو ترور تشکیلاتی گه تیز چوکتیرگن یگانه ناتو مملکتی نینگ تورکیه ایکن لیگینی ایتدی.

جمهور باشلیغی رجب طیب ایردوغان انقره ده ناتو کینگشیده گپیردی.

تورکیه نینگ سوریه ده تروریزم گه قرشی بیرگن کوره شی گه تماس قیلدی.

ایردوغان جنابلری، "تروریزمدن تمیزلب آلگن خوفسیز منطقه لرگه 320 مینگ اطرافیده سوریه لیک پناهنده نینگ قیتیب باریشی گه امکانیت یراتدیک" دیب گپیردی.

کتته بشری فلاکت بیلن روپروبولگن ادلبده قیته دن تینچ لیک نینگ برقرار بولیشینی تامین ایتگن لیکلرینی اورغوله گن ایردوغان "شونده ی بولیب یوز مینگلب معصوم سوریه لیک نینگ اولیب کیتیشی گه توسیق بولدیک. عین دمده اروپاگه کتته تاثیر قالدیرووچی قاچاق آقینی گه مانع بولدیک" دیب گپیردی.

ایردوغان، تورکیه نینگ ناتوده گی دوستلریدن فقط اتفاق روحی گه مناسب حرکت قیلیشلرینی، اتفاق نینگ قورووچی اساس و ارزشلرینی رعایت قیلیشلرینی کوتگن لیکلرینی ایتدی.

سوریه ده گی تروریستلرنی ناتو اعضاسی مملکتلر تامانیدن قوللب – قوتلنگن لیگینی اورغوله دی.

ایردوغان جنابلری، میلتیغینی مملکتیمیز تامان قیلگن، وطنداشلریمیزنینگ جانی گه و مالی گه زیان ییتکیزماقچی بولگن ترور تشکیلاتلری نینگ متفق لریمیز تامانیدن تجهیز ایتیلیشی، تیلرلب قورال و مهمات تامین ایتیلیشی، ترور تشکیلاتی نینگ باشقرووچیلری نینگ بیر قطار اولکه لرده قیزیل قالین لر توشب لوکس بیر شکلده کوتیب آلیب میزبانلیک قیلینیشی نینگ هیچ بیر حقلی تامانی یوق دیر" دیب ایتدی.

تورکیه تامانیدن تورلی اولکه و منطقه لر بیلن ایجاد ایتگن مناسبت لر، بیر-بیریگه الترناتیف ایمس، بیر-بیرینی تماملاوچی ایکن لیگی گه دقت قره تگن ایردوغان،

"تورکیه نینگ حاکمیت حقلریگه قوشیلگن (روسیه دن آله دیگن) S-400 هوا مدافعه تیزیملری کبی بعضی بیر مسله لر بوییچه بحث موضوعسی بولیب توریشینی تصویب ایتمه یمیز. ناتو اتفاقی دایره سیده ملی خوفسیزلیگیمیزنی کوچه یتیریش نی مقصد قیلیب آتگن آدیمرلریمیزنی اونگه کوره بهالندیریش کیره ک" دیب گپیردی.