تورکیه تشقی ایشلر وزیری هنگریده بیر قطار اوچره شوولر اوتکزدی

تورکیه تشقی ایشلر وزیری مولود چاووش اوغلی، هنگری نینگ پایتختی بوداپست ده ملی مجلس باشلیغی اورینباسری ایستوان جکاب بیلن اوچره شدی.

هنگری گه رسمی سفر آرقه لی بارگن چاووش اوغلی، مجلس ده جکاب بیلن ملاقات قیلدی.

دیپلوماتیک منبعلردن آلینگن معلومات گه کوره، قریب 30 دقیقه ترتگن ملاقاتده پارلمنترلر ارا مناسبت نینگ رواجلنیشی و کمیته لرنینگ یخشی راق ایشلش موضوعلری قولگه آلینگن.

تشقی ایشلر وزیرلیگی ستراتیژی تیکشیروو مرکزی بیلن هنگری تشقی ایشلر وزیرلیگی تشقی علاقه لر انستیتوتی اورته سیده کیلیشووگه قول قوییلدی.

ایککی مملکت نامیدن تشقی ایشلر وزیری مولود چاووش اوغلی و هنگری تشقی ایشلر و تشقی تجارت وزیری پتر سیجارتو قول قویدی.