اوکراین نینگ ینگی جمهوررئیسی زلنسکی تورکیه گه تشریف بویوردی

اوکراین نینگ ینگی جمهوررئیسی ایتیب سیلنگن ولادیمیر زلنسکی, سیلاو لرده گی اوشبو موفقیتی آرتیدن تفریحی سیاحت اوچون تورکیه نینگ موغلا ولایتی بودروم تومنی گه تشریف بویوردی. 

زلنسکی نینگ جایلشگن هوتل نینگ تشقری سیده ساغلیق تیمی بیلن بیر محافظ موتری نینگ موجود ایکن لیگی کوریندی. 

زلنسکی اجتماعی ترماق لر آرقه لی بیرگن بیاناتیده, "شفاف بولیش خصوصیده کیلیشیب آلدیک.  منه شونده ی.  تورکیه گه اوچماقده میز.  باله لر نی ییل لیک تفریحی فستوال گه آلیب بارماقده من" دییه قید ایتگن ایدی. 

سونگگی تورت آیده بیرینچی مرته شنبه و یکشنبه کونی دم آلیاتگن لیگی نی بیلدیرگن زلنسکی, ایککی کون کیین اوکراین گه قیته دیگن لیگی نی معلوم قیلگن ایدی. 

اوکراین ده بولیب اوتگن جمهوررئیس لیک سیلاو لری نینگ ایککینچی روندی ده کمیدین ولادیمیر زلنسکی 73,22 فایز رای کسب ایترایکن, رقیبی و موجود جمهوررئیس پترو پروشنکو ایسه 24,45 فایز رای آلیش گه موفق بولدی. 

شونده ی قیلیب ولادیمیر زلنسکی اوکراین نینگ ینگی جمهوررئیسی ایتیب سیلندی.