تورکیه – آذربایجان قوراللی کوچلری تامانیدن مشترک حربی سینش اوتکزیله دی

تورکیه و آذربایجان قوراللی کوچلری 1-3 می کونلری آذربایجانده مشترک حربی سینش اوتکزه دیلر.

آذربایجان ملی مدافعه وزیرلیگیدن بیریلگن بیاناتده، ایککی مملکت اورته سیده گی عسکری همکارلیک چوکاتیده اوتکزیله دیگن حربی سینش گه اورین آله دیگن تورکیه لیک حربی لر آذربایجانگه ییتیب باردی.

مصطفی کمال آتاتورک 2019 دیب اتلگن اوشبو حربی سینش گه اورین آله دیگن عسکرلر بیر مراسم آرقه لی کوتیب الیندیلر.

اوشبو حربی سینش بیلن تجربه پایلشیش و ایککی مملکت قوراللی کوچلری اورته سیده موافقلشتیریش (هماهنگ لیک) اورنه تیش نینگ مقصد قیلیب آلینگن لیگی قید ایتیلدی.

مشترک سینش گه عسکری کوچلر قاله ویرسه زره واسطه لر، توپچی تجهیزاتلر، هاوان توپلری، اوچاق و هلیکوپتر بیلن هوا مدافعه تیزیملری اورین آله دی و فیر عملگه آشیریله دی.