ایردوغان روسیه سفری بیلن تیگیشلی معلومات بیردی

جمهور باشلیغی رجب طیب ایردوغان، اسرائیل باش وزیری بنیامین نتنیاهو قول اورگن هر ایش نینگ خلق قانونلرگه ضد ایکن لیگینی ایتدی.

ایردوغان، تورکیه – روسیه فوق العاده کینگشی نینگ 8 - جلسه سیگه قتنه شیش اوچون روسیه نینگ پایتختی مسکوگه کیتمه ی توریب مطبوعاتگه بیانات بیردی.

ایردوغان جنابلری، نتنیاهونینگ غربی نوارنی قوشیب آلیشلری بیلن تیگیشلی بیاناتینی تنقید ایتیب ناراضی لیک بیلدیردی.

نتنیاهو قول اورگن هر ایش نینگ خلق ارا قانونلرگه ضد ایکن لیگینی، اسرائیل نینگ 1948 – ییلیدن بیری آلیب بارگن هر ایش نینگ ناقانونی ایکن لیگینی معلوم قیلدی.

"امریکا قوشمه ایالتلری نینگ حمایه سینی قولگه کیریتیب بو آدیملرنی آتماقده لر. جُولان تپه لری بیلن تیگیشلی آتیلگن آدیم بولسین غربی نوار بیلن علاقه لی آدیملر بولسین کوریب تورگن میز. فقط چیقیب همه نرسه حل بولدی دیب اوتکزماقچی لر. سیلاو سرمایه گذارلیگی معناسیده بو نرسه لرگه قول اورماقده لر. اورته شرق اوچون تکرار قرانغو کیلجک تیارلش قبول قیلینه دیگن حادثه ایمس. فلسطین لیکلرنی قولب – قوتلش گه دوام ایته میز" دیدی.

جمهور باشلیغی ایردوغان، مسکو اوچره شوولری بیلن تیگیشلی اوله راق ایسه، روسیه دولت رهبری ولادیمیر پوتین بیلن اوچره شووی نینگ جاری ییلده بو اوچونچی مرته ایکن لیگینی معلوم قیلدی.

پوتین بیلن ایککی مملکت اورته سیده گی اوز ارا مناسبتنی بهالندیره جکلرینی عین دمده سوریه و منطقوی موضوعلریگه تماس قیله جکلرینی بیلدیردی.

"مناسبتیمیز تجارت، توریزم، انرژی و مدنیت ساحه لریده رواجله نیب بارماقده. تجاری حجمنی قنده ی قیلیب کوپه یتیریش نی کوریشه میز. اولکه میز و روسیه ده سرمایه گذارلیک ریجه لری و بو توغریده گی تجارلر بیلن ییغیلیش اوتکزه میز. ویزه ایرکین لیگی هم کون ترتیبیده گی موضوعلردن بیرته سی دیر. خصوصی پاسپورت بیلن تیرل هیداوچیلری اوچون ویزه سیز سیاحت تیزلیکده عملی بولیشی کیینچه لیک برچه وطنداشلریمیز اوچون عملی بولیب باشله ییشینی خواهله یمیز" دیدی.

ایردوغان جنابلری، روسیه بیلن سوریه ده فرات دریاسی نینگ شرقی گه آلیب باریلیشی ریجه لنگن عملیات گه تماس قیلیب، برچه تیارگرلیکلرنینگ آلینگن لیگینی بیان ایتدی.  

ایردوغان،

"بیر کیچه آنیدن باریشیمیز کیره ک بولگن جایگه باریب قاله میز. انه شو یکّه مه یکّه قولگه آلینه دیگن موضوعلردن بیرته سی دیر" دیب ایتدی.