تورکیه تامانیدن افغانستانده آچیلگن کورسلرگه قیزیقیش کون سایین آرتیب بارماقده

تورکیه همکارلیک و موافقلشتیریش اداره سی تیکا (TİKA) نینگ مزارشریف دفتری تامانیدن بغلان ولایتی پلخمری شهریده، مدنیت بوییچه ریاستی نینگ همکارلیگی بیلن خاتین – قیزلرگه قره ته تورکچه و مسلکی کورسلر بیریلماقده دیر.

تیکانینگ مزارشریف دفتریدن بیریلگن بیاناتده، افغانستان مقیاسیده ساغلیک و معارف ساحه سی قاله ویرسه ایریم ساحه لرده انچه پروژه عملی قیلگن لیگی بیلدیریلدی. خوددی شو چوکاتده بغلان ولایتی پلخمری شهریده خاتین - قیزلرگه اجتماعی اورینلرینی توسعه بیریشلری و عایله اقتصادی گه حصه قوشیش لری مقصدی بیلن تیکیش، قرص و آرایش کورسلری قاله ویرسه تورکچه، اوقیش یازیش و قرآنکریم کورسلری نینگ دوام ایتیب تورگن لیگی خبر بیریلدی.

مذکور کورس اوقووچیلریدن مارینا رسولی، "بغلان محلی تلویزیونی آرقه لی تیکانینگ کورس اعلانینی ایشیتیب اوزیمنی ثبت قیلدیم. تیکیش کورسیدن فارغ بولگندن کیین عایلم نینگ اقتصادی گه حصه قوشماچی من" دیب ایتدی.    

بغلان نینگ نارین تومنیدن کیلیب آرایش کورسی گه ثبت بولگن خدیجه طاهری، ایندیگی شرطلرده خایتن – قیزلرنینگ خودکفا بولیشی کیره ک دیب، منطقه ده ییترلی سانده آرایش گاه بولمه گن لیگی باعث بو کورس نی تعقیب قیله یاتگن لیگینی ایتدی. طاهری نارین تومنیده آرایشگاه آچماقچی ایکن لیگینی اورغوله دی. طاهری تیکا و تورکیه گه منتدارچیلیک بیلدیردی.

پلخمری مدنیت بوییچه ریاستی نینگ همکارلیگی بیلن 6 دوام ایته دیگن مسلکی کوسلرگه 300 دن آرتیق کیشی تعلیم آلماقده.