جمهوررئیس اردوغان سیلاو نتیجه لری بیلن علاقه لی بیانات بیردی

بوگون (یکشنبه) تورکیه ده ولایت و اولسواللیک شهردارلیک لری بیلن شهردارلیک مجلسی اعضالری و گذر وکیل لری نینگ سیله نیشی اوچون سیلاو بولیب اوتدی.

تورکیه جمهوریتی جمهوررئیسی و عدالت و توسعه حزبی نینگ رهبری رجب طیب اردوغان تورکیه نینگ استانبول شهریده قیلگن صحبتیده اوشبو سیلاو نینگ نتیجه لری نی بهالنتیردی.

جمهوررئیس اردوغان, اوشبو سیلاو لرنینگ دموکراتیک بیر شرایطده بولیب اوتگن لیگی نی بیلدیردی. 

عینی دمده اردوغان, سیلاو نتیجه لری نینگ تورکیه جمهوریتی خلقی اوچون خیرلی بولیشی نی تمنی قیلدی.

جمهوررئیس اردوغان, "عدالت و توسعه حزبی نینگ بیرینچی مرته اشتراک قیلگن 2002 – ییل 3- نوامبر کونیده گی سیلاوده بولگن لیگی دیک بوگلگی سیلاو ده هم بیرینچی بولیب چیققن لیگی کورینماقده" دییه قید ایتدی. 

اردوغان, موفقیت کسب ایتگن جای لرده خلق محبوبیتی نی کسب قیلگن لیک لری و موفق بوله آلمه گن جای لرده ایسه ینه ده کوپراق ایش قیلیش لری کیره ک ایکن لیگی نی ایسله تیب اوتدی.   

جمهوررئیس اردوغان سیلاولر نینگ جوده یخشی بیر شکلده بولیب اوتیشی اوچون تینمسدن سعی و حرکت قیلگن برچه کیشی لر گه منتدارچیلیک بیلدیردی. 

اردوغان, ایندی تورکیه ده 2023 – ییل گه قدر سیلاو بولمیدیگن لیگی و بوندن کیین اقتصادی ریفورم لر باره سیده باش قاتیره دیگن لیک لری نی ایسله تیب اوتدی. 

عینی دمده جمهوررئیس اردوغان تورکیه جمهوریتی پایتختی انقره گه هم باریب بیانیه بیره دیگن لیگی نی معلوم قیلدی.