افغانستانلیک قاچقینلرنی تشووچی قاییق دینگیزگه باتیب کیتدی

تورکیه نینگ چاناق قلعه ولایتی آیوجیق تومنیده باتیب کیتگن قاییق ده گی قاچقینلردن 4 کیشی حیاتینی یوقاتدی.

آیواجیق تومنی دینگیز ساحه سیدن قاچاق اوله راق یونان نینگ میدیلی ارالی گه اوتیب کیتماقچی بولگن بیر گروپ قاچقین نی تشووچی قاییق باتیب کیتگن لیگی بیلدیریلدی.

ایران و افغانستان تبعه لریدن عبارت قاچقینلرنی تورکیه ساحل خوفسیزلیک کوچلری کوریب قالیب عاجل مداخله قیلگنلیکلری افاده ایتیلدی.

مذکور قاییقده گی قاچقینلردن 11 ته سی قوتقریلیب شفاخانه گه انتقال بیریلگن، بیراق 3 عیال بیلن بیر چقلاق نینگ جسدلری چیقریب آلینگن.

 ساحل خوفسیزلیک کوچلری تامانیدن بیریلگن بیاناتده، قوتقریلگنلردن آلینگن معلوماتگه بناً مذکور قاییقده گی قاچقین نینگ 15 کیشیدن عبارت بولیشی باعث قیدیروو و قوتقروو فعالیتی نینگ توخته تیب قویگن لیکلری معلوم قیلیندی.

 اولگن قاچقینلرنینگ تبعه لری حقیده معلومات بیریلمه دی.