تورکیه نینگ بایزید دولت کتابخانه سی دنیا نینگ اینگ مُدرن اون کتابخانه سی آره سیده اورین آلدی

تورکیه نینگ استانبول شهریده گی بایزید دولت کتابخانه سی, دنیا نینگ اینگ مُدرن اون کتابخانه سی آره سیده اورین ایگللش گه موفق بولدی. 

امریکا قوشمه ایالتلریده باسیلیب چیقه دیگن Wired اسمی گه ایگه فرهنگ و تکنالوژی مجله سی خوددی شوو کتابخانه نینگ دنیا نینگ اینگ مُدرن 10 کتابخانه سی آره سیده تورتینچی اورین نی ایگلله گن لیگی نی بیلدیردی. 

1884 – ییلده کتابخانه عمومی عثمانی اسمی بیلن قوریلگن اوشبو کتابخانه ده یریمی کتاب دن عبارت تقریباً بیر میلیون تاریخی اسناد موجود.  11 مینگ 120 جلد کتاب ایسه قول یازمه اثر لردن عبارت. 

مجله, 30 مینگ مترمربع لیک بیر ساحه ده قوریلگن دنمارک ده گی "دوک 1" کتابخانه سی نینگ بیرینچی اورین ایگلله گن لیگی نی بیلدیردی. 

عینی دمده مجله, امریکا ده گی لاورینس خلق کتابخانه سی نینگ ایککینچی, چین نینگ یانگزو زونگشوگ کتابخانه سی نینگ اوچینچی, بایزید دولت کتابخانه سی نینگ تورتینچی, ناروی نینگ وینیسلا کتابخانه سی نینگ بیشینچی, خوددی شوو اولکه ده گی باشقه بیر کتابخانه دن عبارت بودو خلق کتابخانه سی نینگ آلتینچی, امریکا قوشمه ایالتلری نینگ شیکاگو خلق کتابخانه سی نینگ ییتتینچی, انگلستان نینگ برمینگهام کتابخانه سی نینگ سککیزینچی, کانادا نینگ هالیفکس مرکز کتابخانه سی نینگ توقّیزینچی و مکسیکو نینگ کونارت کتابخانه سی نینگ ایسه اونینچی اورین نی ایگلله گن لیگی نی معلوم قیلدی.