تورکیه ینگی زیلاند ده اویوشتیریلگن هجوم نی قاره له دی
کرایست چرچ شهریده اویوشتیریلگن هجوم عاقبتیده کوپلب کیشی جان بیردی
تورکیه جمهوریتی ینگی زیلاند ده اویوشتیریلگن تروریستیک هجوم نی قاره له دی.
تورکیه تشقی ایشلر وزیرلیگی تامانیدن بیریلگن بیاناتده, ینگی زیلاند نینگ کرایست چرچ شهریده ایککی مسجد گه قره ته اویوشتیریلگن تروریستیک هجوم عاقبتیده کوپلب کیشی نینگ جان بیرگن لیگی و یره لنگن لیگی سببلی تورکیه نینگ قتتیق خفه بولگن لیگی معلوم قیلیندی.
"اوشبو وحشیانه حمله نی قتتیق قاره لیمیز" دییه قید ایتیلگن بیاناتده, حادثه عاقبتیده جان بیرگن کیشیلر نینگ عایله لری و ینگی زیلاند خلقی گه تسلیت بیلدیریلدی.
بیاناتده, "ینگی زیلاند حکومتی نینگ, اسلام هراس لیک فعالیت لری نتیجه سیده یوز بیرگن لیگی کورینیاتگن اوشبو حادثه نی چقور تیکشیره دیگن لیگی و فاعل لر نی زودلیک بیلن عدلی و قضایی اورگان لر گه تاپشیره دیگن لیگی گه ایشانماقده میز. اوشبو دایره ده ینگی زیلاند باش وزیری جیندا آردرن نینگ بیانات لری نی خرسندچیلیک بیلن کوتیب آلماقده میز" دییه قید ایتیلدی.
