تورکیه بورس لری اوچون اون مینگلب کیشی مراجعه قیلدی

تورکیه نینگ چیت ایللرده گی تورک لر و قرینداش جمعیت لر اداره سی باشلیغی عبدالله اَرَن, 2019 – ییلده تورکیه بورس لری اوچون دنیا نینگ 167 اولکه سیدن 145 مینگ 700 کیشی نینگ مراجعه قیلگن لیگی نی معلوم قیلدی. 

ارن, 2012 – ییلده ایسه مراجعه قیلگن کیشی لر سانی نینگ 42  مینگ کیشی دن عبارت ایکن لیگی نی بیلدیردی. 

چیت ایللرده گی تورک لر و قرینداش جمعیت لر اداره سی تامانیدن بیریلگن یازمه بیاناتده, ارن نینگ اوشبو بورس لر گه طلب نینگ یوکسک ایکن لیگی اوچون متندارچیلیک بیلدیرگن لیگی معلوم قیلیندی. 

ارن, 2019 – ییلی اوچون مراجعه قیلیش پروسه سی نینگ اداققه ییتگن لیگی نی بیلدیردی. 

عبدالله ارن, "اوشبو بورس لرگه طلب نینگ یوقاری ایکن لیگی بیزنی خرسند قیلماقده.  بیز هم هر ییل بورس لر بوییچه امکانیت لر نی آرتیریش گه حرکت قیلماقده میز." دییه قید ایتدی. 

جاری ییلده ضرورت گه بناً بورس لر اوچون مراجعه قیلیش مدتی نی تمدید قیلگن لیک لری نی معلوم قیلگن ارن, اوشبو بورس لرنینگ تورکیه ده تحصیل امکانیت لری نی خلق ارا مقیاسده کینگیتیریش بوییچه کتته رول اوینیاتگن لیگی نی بیلدیردی. 

عینی دمده ارن اساسی هدف لری نینگ حاضرگی کونده 17 مینگ بولگن خلق ارا اوقووچی لر سانی 2023 – ییلده 25 مینگ گه آرتیریش دن عبارت ایکن لیگی نی معلوم قیلدی. 

اوشبو پروژه دایره سیده هر ییل اورته چه 5 مینگ اوقووچی گه بورس بیریلماقده. 

اوشبو بورس لر گه فقط گینه چیت ایللیک اوقووچی لر نینگ انترنت آرقه لی مراجعه قیلیش لری ممکن.