تورکیه نینگ توریستیک مرکزی پموق قلعه حقیده قیسقه معلومات

پموق قلعه تورکیه نینگ طبیعی بای لیککه ایگه منطقه لریدن بیری نی تشکیل ایتماقده... منطقه ده گی انتیک شهر دن عبارت هیروپولیس بیلن بیرگه 1988 – ییلیدن بیری یونسکو دنیا میراثی لستیده اورین آلیب کیلماقده.  پموق قلعه هم فرهنگی و همده طبیعی میراث صفتیده قبول قیلینماقده. 

پموق قلعه, تورکیه نینگ غربیده, اژه منطقه سیده اورین آلگن دینیزلی ولایتی چیگره لری ایچیده جایلشگن.  چالداغی نینگ جنوبیده اورین آلگن کلسیم اوکسید گه ایگه سوو لردن تشکیل تاپگن آپپاق تراورتن لر, طبیعی بیر گوزه للیک دن عبارت. 

پموق قلعه تراورتن لری 2700 متر اوزون لیک و 160 متر بلند لیککه ایگه.  شوباعث اوشبو آپپاق تراورتن لر نی بیر نیچه کیلومتر مسافه دن کوریش ممکن. 

تورکیه نینگ دینیزلی ولایتی دن 2 کیلومتر لیک بیر مسافه ده اورین آلگن اوشبو ساحه نینگ, عینی دمده کوپلب کسللیک لر گه دوا شفا چشمه لری گه هم ایگه ایکن لیگی بیلینماقده. سووی نینگ ایسیق لیگی 35 – 36 درجه بولگن بیش شفا چشمه سی موجود اوشبو ییرده. 

منطقه ده گی هیروپولیس آرکیولوژیک شهری, انتیک چاغلردن قالگن اینگ مهم مرکز لردن بیری نی تشکیل ایتماقده.  هلنستیک دور نینگ سونگگی قسم لری و مسیحی لیک نینگ ایلک دور لری قالدیق لری موجود اوشبو ییرده.

اوشبو انتیک شهر نینگ میلاد دن آلدین 2 – عصرده برگاما پادشاه لریدن بیری بولگن ایککینچی ایومینیس تامانیدن قوریلگن لیگی بیلدیریلماقده.  اوشبو انتیک شهر نینگ اوز آتی نی ایسه برگاما نینگ اساسچی سی تیلیفوس نینگ عیالی هیرا نینگ اسمی دن آلگن لیگی اویلنماقده.  مسیحی لیک نینگ کینگ قولاچ یاییب کیتیشی بوییچه کتته رول اوینه گن هیروپولیس, عینی دمده عیسی نینگ اون ایککی حواری سی دن بیری بولگن عزیز فیلیپوس نینگ اولدیریلگن شهر اوله راق هم بیلینماقده.  شوباعث میلادی 4- عصرده اوشبو شهر دینی بیر شهر اوله راق اعلان قیلیندی.  کیین چه لیک ایسه روم امپراطورلیگی نینگ قولیگه توشگن اوشبو شهر اسقف نینگ موجود بولگن بیر مرکز گه اَیلَندی.

تاریخی منبع لر گه قره گنده اوشبو انتیک شهر, تیمیر و تاش صنایع سی بیلن توقیمه چیلیک ساحه سی بوییچه جوده هم مهم بیر شهر دن عبارت بولگن. 

تینگ سیز طبیعی گوزه للیککه پموق قلعه و انتیک هیروپولیس نی باریب کورماقچی بولسنگیز, منطقه ده گی شفا چشمه لری دن فایده له نیش, آپپاق تراورتن لر نینگ اوستیدن قویاش نینگ باتیشی نی تماشا قیلیش نی و یقینده گی مغاره لر و شرشره لر نی هم کوریب چیقیش نی ایسدن چیقرمَنگ لطفاً.