داعش گه قرشی کوره ش ائتلافی تشقی ایشلر وزیرلری نینگ ییغینی بولیب اوتماقده

تورکیه تشقی ایشلر وزیری مولود چاووش اوغلی، سوریه ده داعش دن قالگن لرنی تمیزلش و امریکا قوشمه ایالتلری عسکرلرینی چیقریش جریانی نینگ سیستماتیک بیر شکلده عملگه آشیریلیشی کیره ک دیب ایتدی.

مولود چاووش اوغلی، امریکا قوشمه ایالتلری نینگ پایتختی واشنگتن ده 79 مملکتدن نماینده اشتراک ایتگن داعش گه قرشی کوره ش ائتلافی تشقی ایشلر وزیرلری ییغیلیشیده گپیردی.

چاووش اوغلی، داعش نینگ عراقده مغلوبیت گه اوچره تیلگن لیگینی و سوریه ده هم کم قالگن لیگینی معلوم قیلیب،

"شو وقت بو گروه نینگ قیته دن جانله نیشی گه توسیق بولیش جوده مهم دیر و بو مملکتلر (عراق، سوریه) نینگ بردم لیگی گه حصه قوشیش هم مهم دیر. ایندی بو فلاکت نینگ اساسی سببلرینی انیقلب تکرار بولیشی گه مانع بولیش کیره ک" دیب ایتدی.

چاووش اوغلی امریکا قوشمه ایالتلری نینگ سوریه نی ترک ایتیش جریانی سیستماتیک بیر شکلده عملی بولیشی کیره ک. ترورچیلر نینگ سوریه نینگ تمامیت ارضی و قوشنی لری نینگ ملی خوفسیزلیگی گه ضرر بیریشی گه فرصت یراتیلمه ییشی کیره ک" دیب بیان ایتدی.

تورکیه نینگ سوریه ده ترورچیلیک که قرشی کوره ش دایره سیده جبهه ده مجادله قیلگنینی و یوز مینگلب قاچقیننی تمیزلنگن منطقه لرگه باریب جایله شیشی گه فرصت یراتگن لیگینی قید ایتدی.

"تورکیه، عراق و سوریه نینگ بردم لیگی گه یاردمچی بولیش اوچون تورلی فداکارلیکنی قیلیش گه تیار" دیدی.