ایردوغان: امریکا قوشمه ایالتلری بیرگن وعده لرینی عملی قیلیشی شرط

تورکیه جمهور باشلیغی رجب طیب ایردوغان، امریکا قوشمه ایالتلری نینگ سوریه نینگ منبج منطقه سی توغریسیده گی وعده سینی عملی قیلیشی بوییچه چقیریغینی تکرار قیلدی.

ایردوغان جنابلری تورکیه بویوک ملت مجلیسیده گی گروپ جلسه سیده گپیردی.

امریکا قوشمه ایالتلری کیلیشووگه بناً بولووچی ترور تشکیلاتی YPG/PKK گه یاردم ایتیشنی توخته تیشی و ترورچیلرنینگ منطقه دن چیقریلیشی توغریسیده گی وعده سینی عملی قیلیشی کیره ک دیب تاکییدله دی.

تورکیه نینگ، سوریه نینگ تمامیت ارضی، سیاسی بیرلیگی گه حرمتی بولگن لیگینی معلوم قیلگن ایردوغان،

"مشروعیتی بولمیش سوریه لیک مخالفلر بیلن اولتیریب کوریشیب، اولرگه یاردم ایتماقده میز. خوفسیزلیگیمیزنی تامین ایتیش نینگ یگانه یولی سوریه ده ترور تشکیلاتلری نینگ منبع لرینی قوریتیش دیر" دیب ایتدی.

ایردوغان جنابلری، تورکیه نینگ داعش و YPG/PKK نینگ ترور تشکیلاتلری بولگن لیگی اوچون مخالفت قیلگن لیگینی معلوم قیلیب،

"فرات دریاسی نینگ شرقی و منبج سوریه کون ترتیبی میزنینگ مهم موضوعینی تشکیل ایتماقده دیر. امریکا قوشمه ایالتلری نینگ بیزگه بیرگن وعده لرینی عملی قیلیشینی کوتیب تورگن میز. منبج موضوعسی اورته ده قالگنده بشارالاسد تیزیمی بو جایگه تاباره علاقه تاپه دی. منطقه خلقی تورکیه ایشانچی بیلن اوز کیلجکلریگه ایگه بولماقچی دیر. بیزگه ایشانه دیلر. YPG/PKK تامانیدن منطقه خلقی گه عملی قیلینگن ظلم باعث مملکتیمیزده گی سوریه لیکلر مملکتلریگه قیتیب بارالمه یدیلر. عسکری تیارگرلیکلریمیز دوام ایتماقده. امریکا قوشمه ایالتلری بیزگه بیرگن وعده سینی عملی قیلمه گن تقدیرده اوز ایشیمزنی اوزیمیز قیله میز" دیب گپیردی.

امریکا قوشمه ایالتلری بیلن بو موضوعلر توغریسیده یوتوقلی و امید بیرووچی اوچره شوولر اوتکزگنلیکلرینی بیراق قوییده گی سویه ده بولگن اوچره شوولرنینگ اونچه لیک فایده لی بولمه گن لیگینی بیان ایتدی.

ایردوغان جنابلری "حلی گچه آلدیمیزگه قوییلگن عملا بیر پلان یوق. صبریمیز کوپ ایمس. بیر نیچه هفته ده ترورچیلر منبجدن چیقریلمه گن تقدیرده صبریمیز قالمه یدی. اوز پلانلریمیزنی عملی قیلیش حقی گه ایگه بوله میز. مجبور قالگنده هیچ کیمدن رخصت آلیش ویا جواب بیریش گه مجبور ایمس میز. چیکلاولر داخل هیچ بیر تهدید بیزگه توسیق بولالمه یدی. منطقه ده گی قوم کلانترلری قچان کیله سیز دیب سوره یاپتیلر. اوچره شوولرنی آلیب بارووچی اورتاقلریمیزگه بو امرلرنی بیردیم" دیب ایتدی.